“We were on a break!”
Nëse i preferuari juaj është Ross, me gjasë keni një karakter që pëlqen t’i qaset situatave përmes një mënyre logjike, shkencore ndoshta. Ross ka vështirësi në marrjen e vendimeve bazuar te emocionet, ndaj edhe ju mund ta gjeni veten në një situatë të tillë, sidomos nëse bëhet fjalë për çështje të familjes dhe karrierës.
"Hi, I'm Chandler. I make jokes when I'm uncomfortable."
Nëse i preferuari juaj është Chandler, ndoshta përpiqeni që ta merrni jetën jo fort seriozisht dhe gjeni një mënyrë (jo gjithnjë të duhur) për të dalë nga situata ose për të thyer akullin. Zakonisht e bëni këtë përmes humorit ose ~sarkazmës~. Ashtu si Chandler, ndoshta karakterizoheni nga dëshira për të ndërmarrë sfida, qofshin këto edhe frikërat tuaja më të mëdha të jetës.
“I look a woman up and down and say, ‘Hey, how you doin?’’
Nëse i preferuari juaj është Joey, me gjasë ju merrni kënaqësi duke e parë jetën me sytë e një fëmije, ndonjëherë naivë. Keni një qasje që nuk i merr seriozisht gjërat dhe prireni të shihni anën pozitive. Mbështeteni gjithmonë te miqtë dhe ah po, e keni bezdi të ndani ushqimet.
“I wish I could, but I don't want to."
Nëse e preferuara juaj është Phoebe, me shumëëë siguri jeni ndryshe nga shumica, jetoni në një mikro-botë tuajën. Ju pëlqen të shkoni me rrjedhën, të shihni përtej asaj çfarë duket dhe nuk paragjykoni kurrë, përkundrazi, jeni shumë pozitiv/e ndaj kujtdo.
“Oh, that's okay, girls tend to not like me."
Nëse e preferuara juaj është Rachel, ka të ngjarë që të jeni një person që e çmoni dhe kërkoni shpesh mbështetjen te njerëzit e tjerë. Ju mund t’ia dilni edhe vetë, por jeni mësuar që të mbështeteni te rrethi juaj i ngushtë për të marrë veten.
“I know!”
Nëse e preferuara juaj është Monica, me shumë mundësi shquheni për aftësitë për t’u thënë “po” sfidave të reja, ndonjëherë thjesht e vetëm sepse nuk mund t’ia lejoni vetes që të mos ia dilni. Preferoni që jeta juaj të ketë një rregull, shijoni rutinën dhe nuk ndikoheni nga të tjerët për vendimet që merrni.
