Anonim të lutem

Kontroll për thonjtë, sheqer, ujë nga Kisha e Laçit: 20+ tradita të shqiptarëve në vendin e punës

Shkruar nga Anabel

16 Shkurt 2021

Kontroll për thonjtë, sheqer, ujë nga Kisha e Laçit: 20+

Nëpër disa zyra, çdo datë 1, kur ju me gjasë jeni duke pritur rrogën, disa punonjës hedhin sheqer, oriz, madje edhe thjerrëza nëpër zyrë për një muaj me fat. Të tjerë, ndezin qiri sepse kështu dëshiron shefi. Për Shën Valentin, në një tjetër zyrë shpërndahen (me shaka besojmë) masa mbrojtëse në mënyrë që burimet njerëzore të shmangin lejet e lindjeve në nëntor. Lexoni në vijim disa tradita të shpeshta (dhe disa jo dhe aq) të shqiptarëve në vendin e punës, mbërritur te Anabel Media në Instagram.

Tradita të zakonshme dhe/ose të këndshme

1. Mbledhje pas orës 18:00 edhe për dy fjalë. Duhet bërë që të dukemi të dashuruar pas punës.

2. Pimë kafe të gjithë pastaj nisim punën.

3. Të premteve mund të vishemi casual.

4. Çdo të hënë/të premte shkruajmë në dërrasë shprehje nga serialet që preferojmë (më së shumti “Friends”).

5. Çdo të premte, lëmë punën një orë para dhe pimë ose hamë sushi.

6. Çdo Krishtlindje, mblidhemi në kuzhinë për të ngrënë mëngjesin bashkë.

Tradita jo të zakonshme, por të këndshme

7. Të martën e parë të çdo muaji, të gjithë gatuajmë diçka dhe bëjmë brunch. (Vakt që nuk është as mëngjes, as drekë).

8. Kush hyn i pari në kuzhinë vendos ekspresin në prizë, gjithmonë.

9. Blejmë fjalëkryqë në ditë festash të ndërtuar në bazë të festave.

10. Për 8 Mars, çdo vit, shefja na sjell të gjithave tulipanë të verdhë.

11. Një nga kolegët, të premten e fundit të muajit, gatuan te kuzhina e punës për të gjithë ne të tjerët.

12. Çdo ditë, në orën 11:30 hamë kos me fruta dhe drithëra.

13. Bëjmë Babagjyshin Sekret për Krishtlindje/Vit të Ri. (Dhurata për njëri-tjetrin, por duke e mbajtur sekret kush i dhuroi kujt).

Tradita “të gjithë bashkë”

14. Të premteve hamë sushi dhe pimë alkool.

15. Shpërndahen llokume për çdo ditëlindje të burrave, vajzave, nipërve dhe mbesave. Për çdo rast, shkojnë tre njerëz për urim a ngushëllim dhe të tjerët vendosin lekë.

Tradita jo dhe aq të zakonshme

16. Kontroll pastërtie personale çdo të hënë. Na masin edhe gjatësinë e thonjve. (Ndjekësja nuk specifikoi vendin e punës).

17. Bëhemi tap çdo të premte.

18. Çdo datë 1 e bekojmë vendin e punës me ujë të bekuar të marrë nga Kisha e Laçit.

19. Na japin masa mbrojtëse që të shmangin lejet e lindjeve në nëntor (për shkak të Shën Valentinit).

20. Në datë 1 të çdo muaji, te puna ndizet një qiri. Bën namin shefi po nuk u ndez dhe futet vetë i pari në datën 1.

21. Hedhim sheqer.

22. Çdo datë 1, hedhim sheqer, oriz dhe thjerrëza.

Kontroll për thonjtë, sheqer, ujë nga Kisha e Laçit: 20+

MOS I HUMBISNI