Nëna e këngëtares Melinda Ademi është ndarë nga jeta në moshën 50-vjeçare si pasojë e nje beteje të gjatë me kancerin e gjirit. Përmes një postimi në Instagram, Melinda u shpreh se nëna e saj luftoi gjatë, por tani “mund të jetë në paqe”.

“Më 3 mars 2021, nëna ime e dashur Zonja Ademi ndërroi jetë nga beteja e saj me kancerin e gjirit në moshën 50-vjeçare. Ky është mesazhi më i vështirë që kam shkruar ndonjëherë dhe fjalët nuk mund të përshkruajnë trishtimin që kam. Ditët e kaluara kanë qenë ditët më të vështira të jetës sime dhe po mbledh forcat për të shkruar këtë postim kushtuar asaj sepse bota meriton të dijë për nënën time të mahnitshme dhe sa fort ajo luftoi dhe dashuroi.

Mam, ti je gruaja më e fortë që njoh, ti je shoqja ime më e mirë dhe gjithmonë mund të mbështetem te ti që të jesh aty me mua për çdo gjë. Ne gjithmonë flisnim për gjithçka dhe jam kaq e nderuar që të njoha vërtet dhe që mora ndihmën dhe udhëzimet e tua. Ti ke luftuar aq shumë për dashurinë me babin, për të rritur të 4 fëmijët dhe për t'u siguruar që të gjithë ne të jemi mirë. Ju qëndruat të fortë për gjashtë vitet e fundit për ne dhe jam shumë mirënjohëse që je nëna ime.”

Në postim, Melinda i premton të ëmës së ndjerë që do ta bëjë krenare.

“Mami, faleminderit shumë që më inkurajove të ndjek karrierën time dhe faleminderit që më mbështete dhe më kuptove. Gjithë jetën gjithçka që kam dashur ndonjëherë ishte të të bëja krenare dhe e di që ti je krenare për mua. Premtoj se do të vazhdoj rrugën tënde për të qenë gruaja më e fortë dhe më e palodhur, ashtu si ti.

Të dua mam, do të më marrë malli për të folur me ty për orë të tëra, por e di tani që më në fund je në paqe. E di që do të më shohësh nga lart dhe do të më mbrosh si gjithmonë... Lamtumirë mama jem, e di që do të shihemi sërish në xhenet.

Ne të Allahut jemi dhe Atij i kthehemi.
Kuran 2:156”