Duka dhe dukesha e Sussex-it treguan në intervistën për Oprah Winfrey se ata u kurorëzuan tri ditë para ceremonisë së famshme të majit të vitit 2018.

“Askush nuk e di, por ne thirrëm kryepeshkopin e Canterbury-t dhe thamë që, ‘Shiko, kjo gjëja, ky spektakli, është vetëm për botën, por ne e duam bashkimin tonë mes nesh.” – u shpreh Meghan e cila shtoi se ceremonia u organizua në oborrin e shtëpisë me kryepeshkopin e pranishëm.

Harry pohoi të njëjtën gjë, pra që kryepeshkopi Justin Welby kurorëzoi çiftin. Por famulltari i kishës së Newcastle, Rev Mark Edwards, kontaktoi zyrën e kryepeshkopit pas pretendimeve për t’u qartësuar në lidhje me politikat e kishës, sipas gazetës lokale The Chronicle.

Edwards u shpreh se atij iu tha nga një personel në Lambeth Palace, rezidenca zyrtare e kryepeshkopit, se "Justin nuk bën dasma private", raporton The Sun. Edwards pretendon se personi me të cilin ai foli i tha se "Justin bëri një bisedë private me çiftin në kopsht për martesën, por unë mund t'ju siguroj, asnjë martesë nuk u bë deri në ngjarjen kombëtare televizive."

Kisha e Anglisë kërkon që të jenë të pranishëm dy dëshmitarë në mënyrë që dasma të jenë e vlefshme - dhe ceremonitë duhet të zhvillohen në "një vend adhurimi të certifikuar" që i lejon publikut "qasje të pakufizuar" në mënyrë që të paraqiten kundërshtime.

"Kjo gjë vendosi priftërinjtë në një pozitë të vështirë për atë që përbën një martesë në Kishën e Anglisë," tha Edwards për Chronicle, duke thënë se ai kishte pasur shumë kërkesa për ceremoni private gjatë kufizimeve të koronavirusit në Mbretërinë e Bashkuar.

“A duhet të ketë dëshmitarë dhe licencim dhe ligjshmëri apo tani është vetëm një marrëveshje me anëtarët e klerit? Tani mund të bëjmë dasma private pa dëshmitarë në kopshtet tona të shtëpinë? Mendoj se kemi nevojë për një deklaratë sqaruese - duhet të dimë se cilat janë politikat dhe procedurat tona. Nuk mund të duket se është një rregull për një dhe një rregull tjetër për një tjetër.” – u shpreh ai.

Një përfaqësues për Lambeth Palace tha për Chronicle se nuk mund të komentojnë.

Burimet: New York Post, The Sun