Pasi ndau me gjithë botën lajmin se do të bëhet baba për herë të parë Jason Derulo kishte gati shfaqjen e radhës. Festën madhështore për të zbuluar gjininë e bebit! Ai bashkë me partneren e tij, Jena Frumes zbuluan se do të bëheshin prindër të një vogëlushi përmes fishekzjarrëve.

Në videon e postuar në Instagram, 31-vjeçari bashkë me familjen dhe miqtë e afërt duken teksa shijojnë një festë private pranë pishinës në Bahamas. Brenda festës gjigante kishte gjithçka: kërcimtarë, tollumbace rozë, shumë muzikë dhe mbi të gjitha fishekzjarrë.

"Eshtë blu, është djalë!"- dëgjohet të bërtasë Derulo, i vetëkënaqur që parashikimet e tij dolën. 

Pak para festës së gjinisë, këngëtari e tha me zë të lartë se e ndjente që bebi ishte djalë, por u kundërshtua nga partnerja 27-vjeçare e cila dëshironte një vajzë.

Dyshja, janë bashkë prej më pak se një vit, pasi u panë në një palestër. “E pashë dhe mendova t’i flisja. Kaq ishte. Pjesa tjetër është histori,” tha Derulo vitin e kaluar për Page Six.