Vjeshtën e shkuar, princ Harry dhe Meghan Markle nënshkruan një marrëveshje disa vjeçare me Netflix. Gjatë kohës që ky lajm u konfirmua gjithçka dinim ishte se çifti në bashkëpunim me platformën do të prodhonin lloje të ndryshme projektesh, që do të përfshinin dokumentarë, cikël dokumentarësh, filma artistikë si dhe programe për fëmijë. Çfarë nuk dinim është surpriza e dyshes: Projekti i parë është gati! 

Meghan dhe Harry janë aktualisht duke punuar në një dokumentar me disa seri që titullohet "Heart of Invictus" dhe do të trajtojë Invictus Games 2022, ngjarje e cila supozohej të zhvillohej në 2020-ën.

Invictus Games është një event sportiv ndërkombëtar për ushtarakët e lënduar dhe të sëmurë.  Dokumentari i parë me seri i Meghan dhe Harry-it do t'i kushtohet pikërisht eventit 7 ditor sportiv të krijuar në 2014-ën që ka për qëllim për të ndihmuar veteranët e luftës që vuajnë ende pasojat fizike dhe psikologjike. "Heart of Invictus" do të ketë në qendër të saj atletët të cilët përgatiten për lojërat e radhës në Hagë, Hollandë.

Seriali ka për qëllim t'ju tregojë njerëzve historitë e garuesëve dhe të zgjojë tek ta fuqinë humane dhe ndjesinë për t'ju ardhur në ndihmë të tjerëve. Princ Harry pritet të shfaqet në kamera si producenti ekzekutiv i serive, për të cilat nuk dihet ende një datë publikimi. 

Dyshja ende nuk ka zbuluar se çfarë do të trajtohet në prodhimet e ardhshme, por duke patur parasysh sa të ndjeshëm janë ndaj kauzave të rëndësishme, diçka na thotë se edhe projekti i radhës do të jetë në një linjë me të.

Burimi: Pop Sugar