Princ William ka frikë se rrugëtimi që vëllai i tij po ndjek drejt të thënit gjithçkaje nga jeta personale në publik mund të bëhet një problem edhe më i madh se ç'ka qenë deri tani, sipas një raporti.

Sipas Page Six, shumë njerëz të familjes mbretërore janë në ankth për atë që princ Harry mund të thotë në daljen e tij radhës.

"Ai mund të shkojë shumë larg me bombat e tij të së vërtetës", thotë një burim për Mail.

Harry dhe bashkëshortja, Meghan Markle kanë tronditur familjen mbretërore që nga intervista e tyre në mars me Oprah Winfrey, gjatë së cilës folën për racizmin dhe pretenduan se nuk morën mbështetje ndërsa Markle përpiqej të përshtatej me jetën në monarki.

Harry ndoqi bisedën e Oprah-ut me më shumë pretendime në lidhje me babanë e tij, Princin Charles, duke thënë se mbreti i ardhshëm e bëri atë të "vuante" si fëmijë.

"Babai im më thoshte kur isha më i ri: 'Epo, ishte kështu për mua, kështu që do të jetë njësoj edhe për ty," tha princi 36-vjeçar për Oprah Winfrey.

William nuk është thjesht i zhgënjyer, por "shumë i shqetësuar" për deklaratat e fundit publike të Harry-t, sipas burimit, i cili tha se kishte " më shumë shqetësime sesa frikë" për akuza të tjera që mund të vinin.