Muzika

Måneskin tregon ç'e bëri të suksesshme ‘Zitti e Buoni’: ‘Ishte krejtësisht ndryshe’

Shkruar nga Anabel

10 Qershor 2021

Måneskin tregon ç'e bëri të suksesshme ‘Zitti
(Nga e majta) Damiano David, Thomas Raggi, Ethan Torchio and Victoria De Angelis

Kënga origjinale e “Zitti e Buoni” ishte krejtësisht ndryshe dhe u krijua kohë më parë. Mirëpo u desh një ndryshim që të kthehej në këngën më të preferuar të Eurovision 2021 dhe të shndërronte Måneskin në grupin më të përfolur të momentit.

Në një intervistë për Guardian, anëtarët e Måneskin thanë se suksesi i këngës erdhi për shkak të kombinimit të gjuhës italiane dhe një tingulli të zakonshëm që është i lehtë për t’u pëlqyer nga dëgjuesit anglofon.

“’Zitti e Buoni’ është një nga këngët tona më të vjetra,” tha vokalisti Damiano David, “Është një nga këngët tona më të vjetra në italisht dhe dikur ishte krejtësisht ndryshe – ishte një baladë akustike me vetëm zë dhe kitarë, por ne nuk po krijonim dot një kor bindës.”

Måneskin tregon ç'e bëri të suksesshme ‘Zitti

Pas disa vitesh, falë kitaristit Thomas Raggi, ata arritën ta rikrijonin këngën. “Pshhh! Magjia ndodhi,” tha Damiano.

Grupi Måneskin është për momentin më i përfoluri dhe i preferuari në Itali dhe jo vetëm. Rolling Stone Italia shkruan se kur këndojnë italisht, rrezikojnë të jenë peshq të mëdhej në një pellg të vogël, ndërsa kur këndojnë anglisht, rrezikojnë të jenë "goldfish" në oqean (lloj peshku që nuk mbijeton në ujëra të kripura). Sidoqoftë, për momentin katërshja po i përshtatet mirë ekosistemit të ri, shkruan Guardian.

Të gjitha biletat e koncerteve të ardhshme janë shitur dhe janë prenotuar për festivale të mëdha europiane.

MOS I HUMBISNI