Në një artikull të botuar nga Business Insider, përfaqësuesi i Chrissy Teigen u shpresh se biseda e pretenduar midis Chrissy-t dhe dizajnerit Michael Costello – ku ai akuzon Teigen për ngacmim kibernetik – janë të rreme.
Pasi Chrissy Teigen publikoi një deklaratë ku kërkonte ndjesë për “të gjitha potimet e tmerrshme në të kaluarën, stilisti dhe dizajneri Michael Costello bëri një shkrim të gjatë në Instagram, ku tha se "ende ka mendime për vetëvrasjen". Costello pretendoi se Chrissy e ka akuzuar atë si racist në 2014-n dhe e gjithë eksperienca e la atë "të traumatizuar dhe në depresion".
Bussines Insider vë në dukje se shumë detaje nuk përputhen në screenshot-in e bisedës. Përsa kohë mungon shenja blu që tregon një llogari të verifikuar, do të thotë se screenshot-i është bërë para vitit 2014, pasi Instagram e lançoi opsionin e verifikimi të llogarisë në vitin 2014. Por nga ana tjetër, mesazhet përmbajnë ngjyrën vjollcë, një opsion që është shtuar së fundmi. Përpos kësaj, në foto duket ikona e bisedave me video, një opsion i shtuar në vitin 2018.
Në një deklaratë për E!, përfaqësuesi i Costello i mohoi akuzat, duke deklaruar, "Fakti që ekipi i Chrissy Teigen dëshpërimisht po përpiqet të provojë se mesazhet janë të rreme dhe përpiqet të diskreditoj Michael Costello, një viktimë e traumës dhe ngacmimit nga Chrissy Teigen si në internet dhe jashtë tij, konfirmon se ajo mbetet e njëjta bullizuese, pavarësisht faljes publike.”
Në deklaratën e mëparshme, dizajneri pretendoi se Teigen "krijoi mendimin e saj për Michael", kur pa një koment të edituar me photoshop. Kur ai i shkroi për t'i shpjeguar se çfarë kishte ndodhur dhe se nuk kishte komentuar ai, Chrissy i tha se "karriera e saj ishte më e fuqishme se e tij, prandaj të gjitha dyert do t'i mbylleshin tani e tutje."
Pasi deklaroi se ai tendoi "të vetëvritej" jo më larg se javën e kaluar, Michael tha se "sot e kësaj dite, nuk ka qenë në gjendje të shërohet nga ngjarjet e asaj kohe". Sidoqoftë, screenshot-et e pretenduara të dizajnerit lënë vend për dyshim, sepse detajet në Instagram nuk përputhen.
Chrissy Teigen po përballet për momentin me një nga periudhat më të vështira profesionale dhe personale, pas një morie akuzash për të kaluarën e saj si bullizuese.