Gjatë pjesës së parë të ribashkimit të Keeping Up With the Kardashians, i cili u transmetua të enjten, 18 qershor, 23-vjeçarja Kylie foli për një nga tiparet më të komentuara të saj: Buzët e famshme!
Pyetur nga drejtuesi i programit, Andy Cohen, nëse "buzët dhe pasiguritë rreth tyre" e ndihmuan atë të "fillonte dhe të kishte sukses në industrinë e bukurisë", ajo u përgjigj:
"Me siguri. Unë mendoj se këtu filoi dhe dashuria ime për grimin, nga pasiguritë që kisha për buzët e mia. Kisha buzë shumë të holla dhe nuk e kisha menduar kurrë derisa pata një nga puthjet e mia të para dhe ai djali më tha: 'Oh Zot, ti puth shumë mirë, por ke kaq buzë të vogla' - diçka e tillë. Prej atëherë, u ndjeva si 'e paputhshme'.
Kylie shtoi
"Fitova pasiguri nga ajo që më tha, pastaj fillova t'i lyej buzët me laps mbi vijën normale të buzëve të mia dhe kjo më bënte të ndihesha më e sigurt."
Mami, Kris Jenner, tha në shaka e sipër se Kylie duhet t'i vendosë emrin e atij djalit një prej buzëkuqëve të linjës ose të bëjë një bashkëpunim me të. Sidoqoftë, tani Kylie thotë se "s'i mendon më gjërat njësoj dhe padyshim që tani nuk do ndikohej kaq shumë".
Ajo fillimisht pranoi se kishte përdorur mbushës buzësh (lip fillers) në 2015-ën.
"Kam mbushës të përkohshëm. Ishte thjesht një pasiguri e imja dhe ishte ajo që doja të bëja. Sigurisht që do ta pranoja, por s'e kuptoj pse njerëzit janë kaq të shpejtë për të gjykuar", u shpreh ajo atëherë.
Në një episod të 2017-ës, Jenner flet përsëri në lidhje me këtë:
"Nuk ndihesha e bukur. Doja buzë më të mëdha. Fillova t'i modifikoj pak me makeup dhe eventualisht përfundova duke i bërë."
Burimi: People
