Nëse në “ëndrrat” e qenushit të Dua Lipës është sigurisht ushqimi, në mendjen e të dashurit të saj është Shqipëria.

Dua postoi këtë foto në Instagram – ku duket Anwar Hadid dhe qenushi duke fjetur – në të cilën vendosi dy emoji, një kockë për qenin dhe flamurin e Shqipërisë për Anwar.

Fotoja është e dyshimtë. Mund të jetë një shenjë që së shpejti do të organizohet sërish SunnyHill Festival. Nuk do të ishte befasi pasi i ati i Duas, Dukagjin Lipa, njoftoi se Sunny Hill Festival ka marrë konfirmimin e autoriteteve lokale për vendin e organizimit. Ai tha se “rrugëtimi rinis sërish”, por nuk përmendi datë.

Në mos Sunny Hill, nuk përjashtohet mundësia që Dua të vijë në Tiranë pasi një foto e prindërve të saj me kryebashkiakun Erion Veliaj pak kohë më parë ngjalli dyshime.

Nëse fotoja nuk ka lidhje me festivalin ose evente të ngjashme, është thjesht Shqipëria/Kosova si fiksim i Anwar-it.

Nuk është hera e parë që e shfaq këtë. Kujtojmë këtu foton me shqiponjën dykrenare në Sunny Hill 2019

apo postimin për Vjosa Osmanin kur u zgjodh presidente e Kosovës.