Flirt

Si ta kuptoni 'tradhtinë emocionale' dhe çfarë të bëni më tej

Shkruar nga Anabel

19 Korrik 2021

Si ta kuptoni 'tradhtinë emocionale' dhe çfarë

E njohur si “tradhtia emocionale”, ajo ndodh kur vendosni në një lidhje të ngushtë dhe intime me dikë që nuk është partneri/ja juaj.

Në përgjithësi ndërveprimet tuaja shpesh përfshijnë ndonjë tension seksual ose tërheqje romantike. Ky lloj i lidhjes mund të mos duket kërcënues ose problematik, megjithatë, mund të fillojë të shkatërrojë bazat e marrëdhënies dhe të dobësojë përkushtimin ndaj partnerit.

Njerëzit e përkufizojnë tradhtinë në mënyra të ndryshme, kështu që lidhjet emocionale mund të mos vijnë automatikisht në mendje kur keni parasysh tradhtinë. Ja se si ta njihni.

Në përgjithësi, tradhtia emocionale ndodh kur afërsia juaj me dikë tjetër prish përkushtimin ndaj partnerit/es. Përqendroheni në lidhjen që keni me të në vend të marrëdhënies ekzistuese (zakonisht monogame).

Zakonisht mund të thuhet se një raport e ka kaluar pikën e miqësisë kur:

- kaloni më shumë kohë duke folur (ose duke menduar) për personin tjetër sesa për partnerin/en
- shmangni përmendjen e personit tjetër te partneri/ja
- e di që ai/ajo është i/e tërhequr nga ti
- ndjen shenja fizike të kimisë mes jush
- ndjeheni më pak të tërhequr fizikisht ose emocionalisht nga partneri/ja
- shpreson që partneri/ja të jetë më shumë se ai/ajo
- shmangni komunikimin e hapur me partnerin/en.

Si duket zakonisht? Në fillim, tradhtia emocionale mund të duket shumë si miqësi. Kjo lloj situate mund të zhvillohet kur diçka krijon hapësirë midis jush dhe partnerit/es. Kur i drejtoheni dikujt tjetër për të përmbushur diçka që ju mungon nga lidhja ekzistuese, i mohoni vetes dhe partnerit/es mundësinë për të punuar mbi këtë problem dhe për të forcuar lidhjen tuaj. Shumë faktorë mund të kontribuojnë në distancën e marrëdhënies.

Si ta kaloni si fazë? Bisedat e shpeshta dhe të sinqerta mund t'ju ndihmojnë të rindërtoni besimin dhe të trajtoni çështjet e marrëdhënieve sa më shpejt që ato të shfaqen.

Komunikimi i mirë madje mund t'ju ndihmojë të zgjidhni disa sfida, si mungesa e intimitetit, para se ato të bëhen çështje shqetësuese.

Megjithatë kini parasysh që jo të gjitha marrëdhëniet funksionojnë dhe ndarja mund t'ju japë të dyve mundësinë për të gjetur dikë tek i cili mund të përkushtoheni plotësisht.

Burimet: GoodTherapy, Healthline, VeryWellMind

MOS I HUMBISNI