Capital T është kritikuar nga njerëzit, përfshirë edhe fansat e tij, për faktin që në videoklipin e këngës së fundit, “Buzëqeshje”, ka hequr kryqin në Katedralen e Shën Shtjefnit.

Klipi i këngës “Buzëqeshje” u xhirua në qytetin e Shkodrës dhe përfshin edhe disa skena me katedralen në sfond, ku njerëzit vunë re që është hequr kryqi. Për krahasim:

Katedralja

Klipi i Capital T

“Çfarë kuptimi ka që ke hequr kryqin nga katedralja më e madhe në Shkodër?”, “Nuk ka lidhje a jam e krishtesë apo jo, por duket shumë i ulët si gjest” janë disa prej komenteve të shumta në YouTube. Të zhgënjyer duken edhe fansat e reperit.

“Ke qenë një nga këngëtarët e mi të preferuar dhe kam disa vite që i dëgjoj këngët e tua. Këtë herë më ke zhgënjyer. Jo se jam ndonjë besimtar shumë i madh, por të paktën e kam kaq integritet sa të respektoj simbolet fetare. Ajo fshirje e kryqit tregon mungesë respekti, prapambetje dhe mbi të gjitha nuk ke respektuar qytetin i cili të ka mirëpritur për të bërë këtë video. Të gjithë e dinë që ajo katedrale është simbol i Shkodrës dhe ti praktikisht ke pështyrë dhe ke ulur mikpritjen,” shkruan dikush tjetër.

Pas komenteve, reperi reagoi në Instagram. Fillimisht Capitali publikoi një moment nga klipi i këngës “Hitman”, publikuar pesë vite më parë dhe të xhiruar brenda katedrales.

“Nëse unë e kam një qëndrim, do e kisha mbajtur. S’jam nga ata që tërhiqem, por kam qenë promovues i qyteteve dhe objekteve fetare, plazheve e bukurive natyrore në krejt Shqiptarinë dhe realisht jam ndër të parët që kam xhiruar nëpër kisha, por gabimet ndodhin. Unë s’jam kameraman, as editues dhe e vërteta është që nuk kam dorë në këtë gabim të produksionit dhe po bëjmë gjithçka që ta zëvendësojmë.” – shkroi ai.

Më tej shton:

“Si ka mundësi që të më pengojë në klip, por jo në Instagramin tim personal. Ku është logjika këtu? Futeni pak trurin në funksion.”