Konferenca Amerikane e Peshkopëve Katolikë (USCCB) ka njoftuar dorëheqjen e një administratori të lartë pasi i gjetën "lidhje me aplikacione dhe bare homoseksualësh". Më 20 korrik, u njoftua se Jeffrey Burrill kishte dhënë dorëheqjen si Sekretar i Përgjithshëm për shkak të "sjelljes të pahijshme të mundshme".

The Pillar raportoi se telefoni i priftit "kishte të dhëna që tregonin se kishte përdorur aplikacionin Grindr (aplikacion "dating" për homoseksualë, transgjinorë, queer etj), gjatë viteve 2018, 2019, 2020 - thuajse çdo ditë në zyrë dhe në rezidencë ne USCCB.

Asnjë akuzë nuk është ngritur kundër tij për shkelje ligjore, por sidoqoftë, Kisha Katolike e sheh si "mëkat" homoseksualitetin. Incidenti ka ngritur disa pyetje morale në lidhje me të dhënat që mund të gjenden përmes aplikimeve në Grindr.

Washington Post vuri në dukje se Grindr përfshin informacione si mosha, gjina dhe ID. Si rezultat, ekspertët mund t'i nxjerrin këto të dhëna, duke çuar në incidente si ky.

Të tjerët kanë vënë në pikëpyetje etikën rreth raportit fillestar të lajmit për zotin Burrill.

"Çfarë bëri ky artikull? Spiunoi Jeffrey Burril, për të zbuluar se, me sa duket, ai e kishte thyer premtimin e tij për të qenë beqar. Ajo pjesë, me të cilën nuk jam dakord, është se artikulli origjinal përmend në mënyrë të vazhdueshme homoseksualitetin, madje e lidh dhe me pedofilinë - ndonëse për këtë nuk ka asnjë lloj prove. Të gjitha këto i thotë një 'hetues' gazetar", replikon dikush kundër The Pillar.

Revista nuk ka reaguar ende për mënyrën se si u zbulua ky informacion. 

Burimi: Unilad