Përpara pak minutash, Emina Cunmulaj njoftoi se është bërë nënë për herë të tretë, kësaj radhe e një djali. Në postimin e parë me të birin në Instagram, ajo shkroi:

"Zemra ime është plot.

Burri im i vogël, ti më ke mësuar kaq shumë gjëra që tani dhe një prej tyre është durimi.

Me ardhjen kur ti doje dhe jo atëherë kur supozohej të vije, më mësove se në jetë asgjë nuk të jepet kur e do, por kur është e shkruar të vijë në rrugën tënde.

Faleminderit për këtë mësim dhe shumë të tjera që do të vijnë!"

Modelja dhe filantropja e nis shkrimin me emrin e të birit, "Shá Yosef Nazarian". Sipas Baby Names, "Shá" - ka kuptimin e dikujt që është i sjellshëm dhe sillet mirë, ndërsa Yosef nënkupton "Zoti do të shtohet".

Emina është edhe nënë e dy vajzave, Ella Faria dhe Mia Soraya. Në 1 janar, ajo dhe bashkëshorti i saj, biznesmeni me origjinë iraniano-amerikane, Sam Nazarian, festuan 11-vjetorin e martesës.