Reperi Tyga është akuzuar për dhunë në familje nga ish-e dashura, Camaryn Swanson. Sipas TMZ, ku modelja "denoncoi" dhunën publikisht, Swanson thuhet se u shfaq në shtëpinë e Tyga në orën 3 të mëngjesit të së hënës. 

Revista citon një burim pranë reperit, i cili pretendoi se Swanson mbërriti kundër dëshirës së reperit, ishte në dukje e dehur dhe po bërtiste në pragun e shtëpisë së tij.

Modelja pretendoi në polici se situata u kthye shpejt në dhunë fizike dhe ajo u largua nga shtëpia e reperit nëpërmjet nënës së saj, duke raportuar zyrtarisht incidentin më vonë. 

Tyga nuk është arrestuar, por sot pritet të flasë me policët.

Ndërkohë, 22-vjeçarja postoi video në Instagram, ku shkruante:

"Jam shumë e turpëruar që duhet të shkonte deri këtu, por duhet t'i dal për zot vetes". 

Ajo postoi edhe screenshot-in e një bisede nga mesazhet që pretendoin se Tyga, në fakt dërgoi një makinë për ta marrë, duke kundërshtuar versionin e mëparshëm. 

"Unë nuk erdha 'e paftuar'. Kur u përpoqa të largohesha ai më dhunoi fizikisht dhe refuzoi të më linte me orë të tëra".

Nuk dihet me saktësi se kur Tyga, 31 vjeç dhe modelja u ndanë. Dysha e bënë lidhjen zyrtare në Instagram këtë pranverë dhe deri në korrik, janë fotografuar bashkë.

Reperi më parë ka qenë i lidhur me Kylie Jenner për dy vite. Ata u ndanë në fillimt të 2017-ës.

Burimi: Page Six