Megan Fox foli për “pasiguritë e saj të thella” duke pranuar se lufton me imazhin e trupit, pavarësisht se njerëzit e konsiderojnë si shumëëë tërheqëse.
“Po, kam dismorfinë e trupit. Kam pasiguri të thella,” tha Megan në një intervistë për British GQ.
“Ne mund ta shohim dikë dhe të mendojmë, ‘Është një njeri kaq i bukur. Sa të thjeshtë e kanë jetën.’ Ata me shumë mundësi nuk ndihen kështu për veten.” – shpjegoi ajo.
Po çfarë është dismorfia?
Çrregullimi dismorfik i trupit (BDD) është një çrregullim mendor në të cilin një person është i fiksuar me një defekt të imagjinuar fizik ose një defekt të vogël që të tjerët shpesh nuk mund ta shohin, shpjegon WebMD. Si rezultat, njerëzit me këtë çrregullim e shohin veten si "të shëmtuar" dhe shpesh shmangin ekspozimin shoqëror ose i drejtohen kirurgjisë plastike në përpjekje për të përmirësuar pamjen e tyre.
BDD ka disa karakteristika të ngjashme me çrregullimet e të ngrënit dhe çrregullimet obsesive-kompulsive. Shqetësimet më të zakonshme përfshijnë:
1. Lëkura: rrudha, plagë, puçrra dhe njolla.
2. Flokët: flokët e thatë, mungesa e flokëve etj.
3. Karakteristika e fytyrës: hunda, forma apo madhësia e një tipari etj.
4. Pesha trupore.
5. Fusha të tjera: madhësia e penisit, muskujt, gjinjtë, kofshët, vithet, aroma etj.
Çfarë e shkakton çrregullimin dismorfik të trupit?
Shkaku i saktë i BDD nuk dihet. Një teori sugjeron se çrregullimi përfshin një problem me madhësinë ose funksionimin e zonave të caktuara të trurit që përpunojnë informacion në lidhje me pamjen e trupit. Fakti që BDD shpesh ndodh te njerëzit me çrregullime të tjera të shëndetit mendor, të tilla si depresioni dhe ankthi, mbështet më tej një bazë biologjike për çrregullimin.
Faktorë të tjerë që mund të ndikojnë në zhvillimin ose që shkaktojnë çrregullimin janë:
- përvoja traumatike ose konfliket emocional gjatë fëmijërisë
- vetëvlerësim i ulët
- prindërit kritikë ndaj pamjes së një personi
- presioni nga bashkëmoshatarët ose shoqëria
