Aurela Hoxha vendosi të mos postonte foto të shtatzënisë, duke u përpjekur ta mbante disi larg vëmendjes përvojën e re të mëmësisë, ndonëse pranoi në “Natën me Aulonën” se nuk ishte përpjekur vërtet ta mbante sekret.
Modelja tha se në fakt një gjë të tillë nuk mund ta mbash vërtet sekret dhe nuk ishte përpjekur shumë pasi kishte qenë edhe në Tiranë gjatë asaj kohe dhe nuk ishte fshehur. Përsa i përket mëmësisë, gjatë intervistës Aurela u shpreh se ka zgjedhur të jetë gjithë kohën me të birin, Alaronin.
“Kam zgjedhur të jem me të gjithë kohën. Çdo gjë, punë, projekt është në plan të dytë, sepse kështu kam zgjedhur të paktën për 7 muajt e parë. Është e lodhshme sigurisht. Por kur lind, ke energji të cilat ti nuk i mendoje se i kishe.”
Modelja u shpreh se partneri i saj nuk ka zgjedhur të ketë një jetë publike.
“Respekton zgjedhjet e mia dhe është totalisht zgjedhje e imja që ta publikoj kur ta ndjej dhe jo kur të kem presionin e publikut.”
Aurela ka folur shumë rrallë për partnerin prej 6 vitesh. Gjithçka dihet është se ata jetojnë në Spanjë.
