Bashkëshorti i kineastes së ndjerë që humbi jetën pasi u qëllua aksidentalisht nga aktori Alec Baldwin ka reaguar për herë të parë, përmes një deklarate prekëse në Twitter.
"Halyna na frymëzonte të gjithëve me pasionin dhe vizionin e saj. Pasuria që ka lënë pas është shumë e veçantë për t'u shpjeguar me fjalë. Dhimbja jonë është tmerrësisht e madhe, prandaj i kërkojmë medias të respektojë humbjen dhe hidhërimin e familjes sonë."- shkruan ai për bashkëshorten e 16-viteve me të cilën ka dhe një djalë.
42-vjeçarja humbi jetën ditën e enjte pasi u godit në krahëror nga arma skenike që do të përdorej gjatë xhirimeve të skenës për filmin "Rust". Xhirimet e filmit po zhvilloheshin pranë Santa Fe në New Mexico. Alec thuhet se e ka marrë armën pas konfirmimit të ndihmës regjisorit, i cili ka qenë i bindur për sigurinë e përdorimit të armës.
Halyna inspired us all with her passion and vision, and her legacy is too meaningful to encapsulate in words. Our loss is enormous, and we ask that the media please respect my family’s privacy as we process our grief. We thank everyone for sharing images and stories of her life. pic.twitter.com/LgEp4XVkja
— Matt Hutchins (@mhutchins) October 23, 2021
Ndër të tjera, bashkëshorti i të ndjerës është shprehur se ka qenë në kontakt me aktorin, i cili është treguar shumë mbështetës ndaj gjithë kësaj tragjedie në të cilën u përfshi aksidentalisht. Përveç saj, u lëndua dhe regjisori i filmit Joel Souza, i cili aktualisht ka lënë spitalin dhe është jashtë rrezikut për jetën.
- Detaje të reja nga tragjedia në sheshxhirim: Aktorit iu tha se arma ishte e sigurt!
- Çfarë janë realisht ‘armët skenike’ dhe si mund të shkaktojnë tragjedi?
- Alec Baldwin flet për tragjedinë: ‘Nuk ka fjalë për të përcjellë tronditjen dhe hidhërimin tim’
- Vrau aksidentalisht anëtaren e stafit: Postimi i Alec Baldwin në vitin 2017 bëhet viral
- Tragjedi në sheshxhirim: Aktori i famshëm qëllon me armë 2 pjesëtarë të stafit
