Social Buzz

Blackout, trendi vdekjeprurës i TikTok-ut që rrezikon të miturit

Shkruar nga Anabel

22 Nëntor 2021

Blackout, trendi vdekjeprurës i TikTok-ut që rrezikon të miturit

Trendi i rrezikshëm i njohur si Blackout është në qendër të diskutimeve, pas një ngjarjeje tronditëse në Lushnje, ku një 13-vjeçar u gjet i vetëvarur në dhomën e gjumit.

Ndonëse ngjarja është ende e pazgjidhur, nuk është përjashtuar mundësia e realizimit të një “sfide” të rrezikshme.

Çfarë është sfida Blackout?

Trendi i rrezikshëm kërkon që përdoruesit të mbysin veten derisa të humbasin ndjenjat dhe të zgjohen disa çaste më vonë. Është e lehtë të kuptosh pse kjo është një ide e keqe.

Trendi mund të shkaktojë gjendje të fikëti, dëmtim të trurit dhe konvulsione edhe kur nuk është vdekjeprurës, sipas ekspertëve. Trendi ka rezultuar fatal për disa të mitur.

"Ajo që po ndodh në të vërtetë në tru është mungesa e oksigjenit e ngjashme me rastet kur dikush mbytet ose ka një arrest kardiak," tha Dr. Nick Flynn për Irish Examiner. "Nëse keni pak oksigjen në tru për më shumë se tre minuta, mund të dëmtoni trurin dhe nëse keni oksigjen të ulët në tru për më shumë se pesë minuta, mund të rezultojë në vdekje."

Si i është përgjigjur TikTok sfidës Blackout?

"Ne nuk lejojmë përmbajtje që inkurajon, promovon ose lavdëron sjellje të rrezikshme që mund të çojnë në lëndime dhe ekipet tona punojnë me zell për të identifikuar dhe hequr përmbajtjen që shkel politikat tona," tha TikTok për Newsweek. “Teksa aktualisht nuk kemi gjetur prova të përmbajtjes në platformën tonë që mund të kenë inkurajuar një incident të tillë jashtë platformës, ne do të vazhdojmë të monitorojmë nga afër si pjesë e angazhimit të vazhdueshëm për të mbajtur komunitetin tonë të sigurt.”

MOS I HUMBISNI