Jessie J zbuloi përmes Instagramit, pak orë para se të ngjitej në skenën e The Hotel Cafe në Los Angeles, se ka humbur fëmijën.

Ajo u shpreh se vendosi të kishte një fëmijë vetëm sepse “është gjithçka që ka dashur dhe jeta është e shkurtër. Të mbetesha shtatzënë ishte një mrekulli dhe një përvojë që nuk do ta harroj kurrë."

Duke filluar deklaratën e saj me një emoji me zemër të thyer, shkroi: “Dje në mëngjes po qeshja me një mikeshë duke thënë seriozisht se si do ta kaloj koncertin tim në LA nesër mbrëma pa i thënë të gjithë audiencës se jam shtatzënë."

“Dje pasdite kisha frikë nga mendimi për të shkuar në koncert nga frika se mos ndihesha keq, pasi shkova për kontrollin e tretë dhe më thanë se nuk kishte më rrahje zemre.”

Postimin e shoqëroi me një foto të testit pozitiv të shtatzënisë. “Ndonjëherë dashuria nuk do të jetë e mjaftueshme për ta bërë [shtatzëninë] të funksionojë dhe kjo është në rregull. Nuk do të thotë se keni dështuar,” shkruan ajo.

“Këtë mëngjes ndihem sikur nuk kam kontroll mbi emocionet e mia. Mund të pendohem që e postova këtë. Ose jo. Në fakt nuk e di. Ajo që di është se dua të këndoj sonte. Jo sepse po shmang hidhërimin apo procesin, por sepse e di që do të më ndihmojë.”

Jessie zbuloi gjithashtu se përvoja e dhimbshme nuk po e pengon atë të provojë përsëri. Ajo e konsideroi humbjen e fëmijës si “ndjenjën më të vetmuar në botë”.

Artistja është momentalisht beqare. Lidhja e saj e fundit ishte me aktorin Channing Tatum. Ata u lidhën në vitin 2018, u ndanë disa herë deri në 2019-n dhe u ribashkuan në janar 2020, për t’i dhënë fund në prill të po atij viti.