Organizata Botërore e Shëndetësisë e ka emërtuar variantin e Covid B.1.1.529 si Omicron dhe thotë se një grup këshillues ka rekomanduar që ai të caktohet si "shqetësues".

Në një deklaratë, OBSH tha se provat paraprake sugjerojnë se varianti i fundit mbart një "rrezik më të lartë të ri-infeksionit sesa variantet e tjera shqetësuese".

OBSH shtoi:

Infeksioni i parë i konfirmuar i njohur B.1.1.529 ishte nga një ekzemplar i mbledhur më 9 nëntor 2021. Ky variant ka një numër të madh mutacionesh, disa prej të cilave janë shqetësuese. Provat paraprake sugjerojnë një rrezik të shtuar të riinfektimit me këtë variant, në krahasim me variantet e tjera shqetësuese.

Numri i rasteve të këtij varianti duket se po rritet në pothuajse të gjitha provincat në Afrikën e Jugut.

B.1.1.529 ka një numër shumë të pazakontë mutacionesh, të cilat janë shqetësuese sepse mund ta ndihmojnë atë të shmangë përgjigjen imune të trupit dhe ta bëjë më të transmetueshëm, kanë thënë shkencëtarët. Çdo variant i ri që është në gjendje të shmangë vaksinat ose të përhapet më shpejt se varianti dominues Delta mund të përbëjë një kërcënim të rëndësishëm.