Keni një muaj hyjnor përpara dhe ai do të jetë i mbushur me frymëzim, gëzim dhe lumturi. Sado i vështirë të ketë qenë nëntori për ju (dhe duket se ka qenë stresues për të gjithë), dhjetori do të jetë pikërisht e kundërta – një nga muajt e preferuar të vitit.

Ju keni një eklips diellor jashtëzakonisht të Hënës së re, që vjen nga 3-4 dhjetori në shenjën e zjarrit, Shigjetar, shtëpinë e pestë të dashurisë së vërtetë. Prisni lajme, komunikim dhe ndoshta udhëtime. Deri më 13 dhjetor, do të keni bekimin e Marsit në sektorin e dashurisë. Ky është një lajm i mrekullueshëm. Tani, me Marsin në sektorin më romantik, së bashku me një eklips, jeta sociale mund të jetë më e mira që keni parë në vite. Të gjithë këta planetë do të mblidhen për t'u siguruar që të kaloni një festë të lumtur.

Nëse jeni beqarë, ky është momenti për t'u kërkuar miqve t’ju prezantojnë me të tjerët dhe të filloni biseda me njerëz të rinj, njëri prej të cilëve mund të bëhet një interes serioz romantik. Nëse jeni duke dalë seriozisht me dikë, mund të dëgjoni një rrëfim dashurie dhe të merrni një propozim për t'u martuar. Nëse jeni tashmë të martuar, duhet të jeni në gjendje t'i kushtoni kohë dhe vëmendje partnerit/es, dhurata më e mirë nga të gjitha, që sigurisht do t'ju afrojë më shumë.

Nëse shpresoni për një fëmijë, kjo Hënë e re është mjaft e fuqishme dhe mund të thërrasë lejlekun për t'ju sjellë një pako gëzimi.

Më vonë gjatë këtij muaji kushtuar argëtimit dhe dashurisë, mund të keni një ngjarje në ose brenda pesë ditëve nga Hëna e plotë te Binjakët, 18 dhjetor. Duket se mund të keni jo një, por dy ngjarje, sepse me Binjakët, gjërat priren të ndodhin në dyshe.

Afërdita, planeti i dashurisë, do të shkojë në prapavijë nga 19 dhjetori deri më 29 janar. Nëse do të fejoheni për Krishtlindje, bëjeni këtë në fillim të muajit për të shmangur prapavijën e Afërditës.

Ju jeni një nga punëtorët më të mirë të zodiakut, por këtë muaj, qetësohuni. Në dhjetor do të jeni në humor për festa dhe e gjithë vëmendja do të jetë te familja dhe shtëpia. Kjo vjen falë një eklipsi të madh diellor në datat 3-4 dhjetor, i cili do të sjellë lajme të lumtura në lidhje me këtë pjesë shumë personale të jetës. Saturni do ta mbështesë me vendosmëri këtë eklips, që do të thotë se veprimet do të shtojnë ndjenjën e sigurisë.

Nëse keni dashur të blini ose merrni me qira një pronë, mund të gjeni hapësirën perfekte. Pavarësisht se jeni të shpërqendruar me festimet, ka një shans të mirë që dëshironi të dërgoni një ofertë për shtëpinë ose të nënshkruani kontratën e qirasë përpara se dikush tjetër ta marrë atë. Nëse një prind ka nevojë për ndihmën tuaj, ky eklips i Hënës së re, 3-4 dhjetor, mund të sjellë përgjigjen e duhur.

Jo vetëm që eklipsi diellor do t'ju motivojë, por edhe Marsi do t'ju motivojë gjithashtu. Planeti i kuq do të hyjë në të njëjtin sektor të shtëpisë dhe familjes nga 13 dhjetori deri më 24 janar, duke u shtuar Hëna e re dhe Diellit. Ju nuk keni pasur ndihmën e Marsit për çështjet e familjes dhe pronës për dy vjet, kështu që dhjetori dhe janari sigurisht që do t'ju sjellin shumë përparim dhe produktivitet në këtë fushë. Do të keni ndihmën e Marsit deri më 24 janar të muajit të ardhshëm.

Ky do të jetë një muaj emocionues, sepse Hëna e plotë më 18 dhjetor do të ndriçojë shtëpinë e dhjetë të nderimeve, çmimeve dhe arritjeve në karrierë, duke ju sjellë lëvdata të konsiderueshme dhe avancim të mundshëm në një pozicion të ri. Nëse kjo ndodh, do t'ju jepet një titull më i madh si shpërblim për gjykimin tuaj të mirë dhe performancën e shkëlqyer. Mund të merrni një publicitet të lakmueshëm ose një ofertë nga një firmë konkurruese. Pesë ditët që rrethojnë 18 dhjetorin do të jenë të veçanta dhe në qendër të vëmendjes do të jeni ju.

Arsyeja pse jam kaq entuziaste për këndvështrimin profesional është se Jupiteri me fat do të arrijë këtë Hënë të plotë, më 18 dhjetor, kështu që ka të ngjarë të jeni të emocionuar me lajmet e karrierës që do të vijnë. Jupiteri zakonisht sjell përfitime financiare së bashku me dhuratat e tjera që ka për ju. Nëse jeni të vetëpunësuar, mund të sillni një klient të ri prestigjioz. Në përgjithësi, lajmet për karrierën afër Hënës së plotë më 18 dhjetor mund të jenë një nga dhuratat më të mira që do ju sjellë Babagjyshi.

Diçka tjetër po ndodh në këtë muaj të mbushur plot aktivitete - Jupiteri, dhënësi i dhuratave dhe fatit, do të hyjë te Peshqit për herë të parë në 12 vjet më 28 dhjetor dhe do të ndriçojë shkëlqyeshëm shtëpinë e martesës. Jupiteri do të qëndrojë te Peshqit për muaj të tërë, duke ju bërë shenjën më të mundshme për t'u martuar në fillim të vitit (deri më 10 maj) dhe përsëri në fund të vitit 2022.

Nëse jeni tashmë të martuar, do të shijoni kohën dhe vëmendjen që do të jepni dhe merrni nga bashkëshorti/ja, sepse do të keni mundësi të udhëtoni jashtë shtetit ose të bëni gjëra të tjera së bashku. Do të jetë një vit emocionues dhe ndjenjat e dashurisë që sugjeron Jupiteri do të rifreskojnë dhe rifillojnë plotësisht martesën. Nuk ju intereson martesa? Mund ta përdorni Jupiterin për të krijuar një bashkëpunim ose partneritet të shkëlqyer biznesi në vitin 2022.

Keni kaq shumë  arsye për të pritur në 2022, profesionalisht dhe personalisht. Do të jetë një vit i mrekullueshëm për ju, aspak si 2020 dhe binjaku i tij, 2021. Keni arsye për të festuar!

Copyright Anabel.al / Ndalohet ribotimi pa lejen e redaksisë.