Nëse plani i Kanye West është që të bëjë xheloze Kim Kardashian duke dalë me Julia Fox, nuk po funksionon.

Ylli i “Keeping up with the Kardashian” është "e pashqetësuar" nga mënyra se si West po afrohet shumë me Julia Fox, duke dalë nëpër darka në restorante luksoze si edhe duke i dhuruar veshje të stilistëve të preferuar të Kardashian, thanë burimet për Page Six.

“Ajo nuk shqetësohet as nga krahasimet [me Fox]. Ajo e di që Kanye është një dizajner dhe është një person kreativ vizual, kështu që kjo ka qenë gjithmonë gjuha e tij e dashurisë dhe mënyra se si ai tregon dashuri për dikë që i pëlqen”, tha një burim.

Kanye West ka pirë dhe dhe darkuar me aktoren 31-vjeçare të "Uncut Gems" në restorantet e preferuara të Kardashian. Por burimet këmbëngulin se Kim ka hequr dorë përfundimisht nga martesa e tyre dhe "ndihet plotësisht e lirë" tani që është në një marrëdhënie të re me Pete Davidson, i cili "nxjerr në pah anën e saj më të mirë”.