Forcat izraelite vranë 9 palestinezë: Ka shqetësim për përshkallëzimin e dhunës

Uashingtoni ka ngritur shqetësimin për përshkallëzimin e dhunës izraelito-palestineze pasi forcat izraelite vranë të enjten 9 palestinezë gjatë një sulmi në Bregun Perëndimor.

Sekretari amerikan i shtetit, Antony Blinken, tha se kishte frikë se situata e sigurisë mund të përkeqësohej pasi dy raketa u hodhën nga Gaza herët të premten dhe Izraeli u përgjigj me sulme ajrore në territor. Diplomati i lartë amerikan do të udhëtojë në Lindjen e Mesme të dielën për të diskutuar situatën.

Kina pretendon se vala e Covid po bie

Autoritetet shëndetësore të Kinës kanë thënë se vala Covid ka kaluar kulmin e saj, me rënie të shpejtë si në rastet e rënda ashtu edhe në vdekje në spitale.

Sipas Qendrës së Kinës për Kontrollin e Sëmundjeve (CDC), numri i pacientëve me sëmundje kritike në spital arriti kulmin në javën e parë të janarit, më pas ra me shpejtësi me më shumë se 70%. Ekspertët ndërkombëtarë kanë dyshime mbi statistikat e Kinës dhe janë të mendimit se shifrat e infektimeve dhe vdekjeve janë të larta

“E papranueshme”: BE-ja zotohet të ndëshkojë vendet që nuk bashkëpunojnë për migracionin

BE-ja ka kërcënuar se do të godasë vendet që nuk bashkëpunojnë për migracionin. Ministrat e BE-së e përshkruan situatën si "të tensionuar", me numrin e të ardhurve në rritje.

Në vitin 2021, vendet europiane nxorën 340,500 vendime për kthimin e njerëzve në vendin e tyre të origjinës. 21% e tyre janë zbatuar, sipas të dhënave të Eurostat.

Zelenskiy bën thirrje për sanksione të mëtejshme dhe më shumë armë pas sulmeve të fundit

Në fjalimin e tij pas sulmeve vdekjeprurëse me raketa të së enjtes, Zelenskiy bëri thirrje për sanksione të mëtejshme ndaj Rusisë dhe u kërkoi aleatëve që të furnizojnë Ukrainën me më shumë armë.

“Ky agresion rus mund dhe duhet të ndalet vetëm me armë të përshtatshme. Shteti terrorist nuk do të kuptojë asgjë tjetër. Armët në fushën e betejës. Armët që mbrojnë qiellin tonë,” tha ai.