Channing Tatum dhe Jenna Dewan u ndanë në 2018-ën, por ish-çifti ruajnë marrëdhënie për shkak të vajzës së tyre 8-vjeçe, Everly.

Gjatë një interviste të fundit, aktori foli për eksperiencën dhe frikërat që e mundojnë si baba i vetëm. 

"E di që gjithmonë më ka pëlqyer të luaj dhe t'i bëj të besueshme gjërat magjike, por s'e dija nëse do të isha i aftë ta bëja këtë tani që jam baba single. Kisha dyfish frikë. Mendoja gjatë nëse do të isha në gjendje të bëja për të gjërat që bën një nënë. A do të mundesha të flisja me të siç flet një grua, një nënë?"- u shpreh Channing.

Përtej frikës ai thotë se arriti të kuptonte se mund t'ja dilte të bënte gjithçka, mjafton të përfshihej në botën e vogëlushes dhe ta ndiqte atë. Të qënit baba i vetëm e bëri Tatum edhe më të dedikuar ndaj së bijës, aq sa e frymëzoi për të shkruar një libër që lidhet me fëmijët dhe marrëdhënien e veçantë mes një babai dhe vajzës.

Burimi: BuzzFeed