
Atletja Luiza Gega u shpall mbrëmjen e së shtunës kampione e Europës në garën e 3000 metrave me pengesa, të organizuar nga Mynih.
Nga metri i parë deri te i fundit, Gega dominoi garën dhe arriti të fitonte me kohën 9:11.31, duke marrë medaljen e artë dhe duke ngjitur Shqipërinë në majën e Europës; një arritje e jashtëzakonshme për të dhe trajnerin e saj, Taulant Stërmasi.
View this post on Instagram
“Luiza Gega fiton në garën 3000 metra me pengesa për femra dhe fiton titullin e parë europian të vendit të saj, duke vendosur një rekord kampionati prej 9:11.31!” – shkruan @europeanathletics.
History maker! ?
— European Athletics (@EuroAthletics) August 20, 2022
Luiza Gega ?? becomes Albania's first ever European outdoor champion with a gun-to-tape gold in the 3000m steeplechase. ?#Munich2022 #BackToTheRoofs pic.twitter.com/N1ttIOPgtZ
Në fund të korrikut, Gega u rendit e 5-ta në finalen e Botërorit të atletikës. Rekordi i mëparshëm në këtë disiplinë mbahej po nga ajo me kohën 9:14.29 dhe u vendos më 1 korrik në Lojërat Mesdhetare, Oran 2022.
Luiza, vajza e rekordeve që nisi të merrej me sport që në moshën 14-vjeçare, ishte mbajtësja e flamurit për Tokio 2020 së bashku me Briken Caljan. Ajo mbajti flamurin edhe në Rio 2016.