Getty Images

George Clooney, para 8 viteve ka qenë beqari më i dëshiruar në Hollywood, derisa erdhi Amal dhe i rrëmbeu zemrën.

Që prej asaj periudhe e deri tani, George ndjek një traditë shumë romantike, të cilën e ndau me të gjithë në “The Drew Barrymore Show”.

Ai tha se që në momentin që u njoh me Amal në liqenin Como, i ka shkruar asaj letra. 

“Asokohe, qëndruam gjithë natën duke folur dhe unë nisa t’i shkruaja një tufë me letra”.

Për të qenë të saktë: jo letra teknologjike e virtuale, por nga ato që lihen te jastëku.

Ai theksoi se ende bëjnë të njëjtën gjë dhe është kaq romantike të shohësh njerëz që i qëndrojnë besnikë klasikes, si dhe të shohësh George Clooney kaq të dashuruar.

Më parë, aktori ka thënë se në këto 8 vite nuk është grindur kurrë me partneren e tij sepse “nuk ka asgjë që nuk shkon tek ajo” dhe ja, kaq po kërkojmë të gjithë: Një burrë seksi, i cili na do kaq shumë dhe na shkruan letra dhe pusulla dashurie.

Artikuj të sugjeruar: