Një ditë pas deklaratës paksa të çuditshme të Flori Mumajesit, ku tregonte se 4 nga këngët e tij më të shenjta nuk janë më, erdhi dhe një tjetër rrëfim prej tij. Flori përmes disa Instastory-sh në llogarinë e tij të Instagramit ndau detaje shumë intime nga jeta personale dhe gjendja e tij emocionale, që qartazi dukej e ngarkuar.

Në njërën prej videove, madje, duket se Flori po "braktis" diku kupat e tij, ose të paktën këtë ka lënë të kuptohet kur shkruan:

"Të paktën këtu nuk do i shohë askush për t'i tallur" [?!]

Flori i zhveshur nga emocionet, pak i çuditshëm dhe që "hedh" kupat - ka bërë që njerëzit ta krahasojnë me një personazh po kaq në vëmendje për sjelljet e tij të veçanta, Kanye West!

Jo pak njerëz në TikTok, po e krahasojnë Florin me Kanye-n. Disa mendojnë se thjesht "ngjasojnë", të tjerë thonë se Flori po ndjek strategjitë e tij.

Në fakt, krahasimi bën disi sens. Aq më tepër, kur kujtojmë se në shtator të 2020-s, Kanye vendosi në tualet një nga çmimet e tij Grammy dhe urinoi mbi të. Më pas, e shpërndau videon me ndjekësit e tij në Twitter.

Veprimi, sigurisht shumë më drastik se ai i Florit, erdhi për shkak të revoltës së reperit ndaj kompanive të produksioneve muzikore rreth pronësisë së këngëve të artistëve atëherë.