Ju kujtohet koha kur Flori Mumajesi mori pjesë në “Kënga Magjike 2009” me këngën “Playback”? Ndoshta jo, por me siguri këngën e kujtoni: “Hej, zemër deri vonë, në telefon”. Përderisa jeni në këtë artikull, me gjasë jeni kuriozë të dini i kujt është zëri në sfond. Po, për atë “heeeee" e kemi fjalën.

“Në atë kohë nuk ishte ide dhe aq e mirë të merrje pjesë në festival me një këngë të tillë,” shkroi kantautori në Instagram. “Zërat që për mua i dhanë këngës 50% që i mungonte janë të bishës Eneda Tarifa”.

“Prit njëherë se nuk e dimë kush është bisha këtu…Nuk mund të mos frymëzohesh nga ti. Mua zëri më ka buruar në çdo gjë që kemi prodhuar bashkë. Nuk ka dy në muzikë si ti Flor! Je dashni,” u përgjigj Eneda.

"Playback" u vlerësua si "Kënga Hit" në festival. Për fat të keq, nuk e gjejmë dot në kanalin e Florit në YouTube, por nëse keni nostalgji, ju dini si ta gjeni. ?