Shtatzënia është një nga periudhat më të lumtura në jetën e një gruaje, por mund të jetë gjithashtu edhe tejet sfiduese. Dhe sikur të mos mjaftonin vështirësitë që vijnë me shtatzëninë, ato duhet të përballen edhe me komentet fyese (me dashje ose jo) të njerëzve apo këshillat e atyre që nuk kanë asnjë lloj kualifikimi për t’i dhënë ato.
29-vjeçarja Eliana Rodriguez ka qenë një nga ata njerëz që është komentuar kaq shumë për barkun e saj të madh gjatë shtatzënisë. Ajo lindi një djalë në qershor të këtij viti, por përgjatë muajve të shtatzënisë ka marrë vazhdimisht komente si:
“Duket sikur ke binjakë”, “Duke sikur ke dhimbje”, “Shtatzënia jote duket e tmerrshme”, etj.
Ndërsa një bark i madh shtatzënie mund të sinjalizojë për probleme specifike shëndetësore në disa raste, në raste të tjera, është krejtësisht e natyrshme dhe është thjesht mënyra si ndryshon trupi i një gruaje.
Rodriguez ishte fatmirësisht një nga këta raste. Ajo dhe fëmija i saj ishin plotësisht mirë dhe të shëndetshëm.
Pra, përgjatë 9 muajve i vetmi problem i Eliana-s kanë qenë vetëm komentet e vrazhda të njerëzve. Disa prej tyre madje i kanë thënë edhe se “nuk duket e hijshme”, apo se duhet të “kontrollojë mos ka disa fëmijë brenda”.
Edhe njëherë, duket se njerëzit nuk e kanë kuptuar sesa të kujdesshëm duhet të jemi me fjalët, veçanërisht ndaj një gruaje shtatzënë.
