Nëse keni parë e lexuar lajme rreth Doja Cat, e njihni tendencën e saj për të bërë çmendurira. Qoftë ndryshimi drastik i pamjes (rruajtja e kokës, lyerja e gjithë trupit me të kuqe, vendosja e mustaqeve dhe mjekrës me qerpikë fals etj) apo postimi i videove të çuditshme në TikTok.
Shumica e njerëzve e duan çmendurinë e saj, por ka disa skeptikë që janë plotësisht të bindur se sjelljet e çuditshme të Doja-s janë shenjë e pamohueshme se ajo është anëtare e Iluminatit.
Njerëzit në TikTok mendojnë se festa e ditëlindjes së këngëtares vjet, me rastin e 27-vjetorit, është shenja më e dukshme për këtë.
Tema e festës u frymëzua nga filmi i Stanley Kubrick, “Eyes Wide Shut”, i cili tregon historinë e një 'shoqërie elitare' që supozohet se është e ngjashme me Iluminatin.
Kubrick vdiq vetëm gjashtë ditë pasi shfaqi pjesën e fundit të filmit për Warner Bros, gjë që ka ngritur dyshime të mëdha mes teoricienëve të konspiracionit.
? ?? pic.twitter.com/FajH6jojKR
— TrendSetter ?? (@coi_leray) October 22, 2022
Për rikujtesë, festa e Doja-s kishte një tortë ditëlindjeje me simbol syrin – që njihet gjerësisht edhe si simboli i Iluminatit dhe një temë veshjeje – me maska.
Doja Cat i ka parë prej kohësh thashethemet në internet dhe është lodhur nga spekulimet aq shumë, sa ka vendosur të flasë.
Këtë javë, këngëtarja e “Kiss Me More” shkroi:
“Kjo ideja e Iluminatit është aq qesharake për mua, saqë do vazhdoj të bëj gjëra të çuditshme thjesht për t’i bërë këta njerëz të ndihen në siklet. Kam gjetur një mënyrë të re argëtimi.”
Megjithatë, deklarata nuk i ka bindur njerëzit të cilët i kanë përmendur përsëri temën e ditëlindjes apo i kanë thënë që tani duhet “të bëjë syrin si tatuazh”.
Të tjerë thonë se “njerëzit duan të krijojnë drama dhe histori aty ku nuk ka”.
“Doja kështu ka qenë gjithnjë. Unike dhe e veçantë në atë që bën”, shkruan një fans.