TV Mania

Beniada flet për marrëdhënien e Jorit me Luizin

Shkruar nga Anabel

7 Mars 2023

Beniada flet për marrëdhënien e Jorit me Luizin

Jori Delli u bë pjesë e “Big Brother VIP Albania 2” dhe publiku vuri re një afrimitet të menjëhershëm mes saj dhe Luizit, duke pretenduar edhe se dyshja shkon shumë bashkë. Mes njerëzve që kanë shprehur një mendim për Jorin, është edhe Beniada Nishani, banore në edicionin e parë të “BBVA” dhe mikeshë shumë e mirë e Jorit.

E ftuar në “Procesi Sportiv”, Beniada u shpreh: “Po shikoja edhe unë në TikTok se si Luizi i dha një trëndafil Jorit dhe ajo i tha: ‘Ky trëndafili ka parfumin e Kiarës’. Tani, se ç’po bën, nuk e di”.

Më tej, tha:

“Përtej shakave, nuk mendoj se Jori ka hyrë me atë qëllim, absolutisht. Koha do ta tregojë se është një vajzë e shkathët dhe me zemër shumë të madhe”.

Pra, sipas Beniadës, Jori s’e ka në plan (domethënë deri tani) të hyjë mes çiftit, sado të duan njerëzit që t’i bëjnë bashkë. Gjithashtu, Beniada, ashtu si shumë prej nesh e ndjek “BBVA” përmes TikTok-ut, hehe.

Artikuj të sugjeruar: