Ndryshe nga sa mund të mendoni ose t’ju kenë thënë, migrena nuk është vetëm një dhimbje e fortë koke.

Shumë mjekë nuk dinë mjaftueshëm për nuancat e çrregullimeve të migrenës, tha për CNN Dr. Frederick Godley, një specialist i veshit, hundës dhe fytit dhe president i Shoqatës Amerikane të Çrregullimeve të Migrenës.

Kur njerëzit mendojnë për migrenën, ata shpesh mendojnë për dhimbjen e kokës. Por shumë njerëz përjetojnë shumë më tepër simptoma se kaq.

Rreth një e treta e njerëzve përjetojnë disa ndjesi para se të nisin dhimbjet e kokës. Këto ndjesi mund të zgjasin pesë minuta deri në një orë dhe janë: shikim i paqartë, shikim i njollave, mpirje ose ndryshime në të folur.

Lista e simptomave të mundshme që lidhen me migrenën është e gjatë, por po përmendim disa: marramendje, tringëllimë në vesh, ndryshime të humorit, gogësimë, dhimbje në qafë dhe dëshirë për ushqim.

Disa nga simptomat, duke përfshirë rraskapitjen, mund të ndodhin para migrenës.

Për më shumë informacion mbi migrenën, klikoni artikujt e mëposhtëm: