Të lyesh flokët për shumë vajza është si të “presësh majat”, ndërsa për të tjera është një vendim i rëndësishëm që do t’u marrë shumë kohë. Sidomos kur ngjyra që mendoni të bëni është e kuqja.
Prej kohësh tashmë, e kuqja qershi në flokët vazhdon të mbetet një nga ngjyrat më interesante, që bie në sy dhe ju jep një “sex appeal” të jashtëzakonshëm.
Megjithatë, është normale të mendoheni 100 herë përpara se ta bëni këtë ndryshim.
Nëse ka diçka që do t’ju ndihmojë, janë filtrat e TikTok-ut! Kërkoni për “cherry red hair filters” dhe eksploroni me filtrat që ju ndryshojnë ngjyrën e flokëve.
Kështu do të keni një ide më të qartë mbi atë se si do dukeni pasi t’i lyeni vërtet.
Një tjetër opsion është t’i lyeni fillimisht me “shampoo color” (pra, bojëra të përkohshme) – por edhe në këtë rast, duhet të siguroheni të zgjidhni diçka që nuk ua dëmton flokun.
