Albina dhe familja Kelmendi përfaqësuan Shqipërinë në Eurovision dhe arritën të preknin finalen, duke u pozicionuar në vendin e 22-të. Por, ne mund ta shohim sërish Albinën në Eurovision, këtë herë për të përfaqësuar Suedinë, fituesen e garës për këtë vit.
Në një intervistë në Skype për “Ditë pas Dite”, Albina u shpreh: “Unë jam e lumtur që vokali im dhe i familjes sime është vlerësuar në pikat më të larta dhe si rezultat i kësaj, kam marrë ftesa edhe nga shtete të ndryshme që t’i përfaqësoj në Eurovision”, duke shtuar se ende s’e ka marrë vendimin nëse do të prekë sërish skenën e Eurovision-it.
“Dihet që kush e merr këtë rrugë mund të ketë fat, të gjejë kontakte shumë të mira dhe serioze dhe unë e kam pasur këtë fat. Tani, nuk e di nëse mund ta bëj publike, por një ftesë serioze vjen nga Suedia”, tha ajo.
Edhe Ronela ka pasur të njëjtën mundësi si Albina, duke qenë një prej 106 finalisteve të përzgjedhura nga “Una Voce per San Marino”, përgjegjëse për përzgjedhjen e përfaqësuesit/es për të marrë pjesë në Eurovision.
Artikuj të sugjeruar:
