Vesa Luma dhe Big Basta festojnë sot 8-vjetorin e martesës së tyre dhe nuk ka munguar një urim i ndjerë dhe i bukur nga reperi, i cili me fjalët më të ëmbla ka bërë një urim për ‘ortaken e jetës’.

Përmes një postimi në Instagram, në një selfie të çiftit, Big Basta shkruan: “8 vjet martesë sot në 12 shtator! Gati një dekadë plot dashuri dhe sfida me ortaken time të jetës, të cilën pata fatin hyjnor ta njoh dhe të rritem me të. Të shpreh dashurinë në këtë ditë të shënuar është pak, por uroj shumë që edhe në jetët e tjera të jemi bashkë!”.

Më tej, vijoi:

“Këto 8 vite ke qenë shoqe, grua, ortake dhe mbi të gjitha nënë e përkryer, çka më bën të mos dua gjë tjetër veçse të jem pranë teje dhe të mësoj nga ti, të rrezatoj si ti. Të dua.”

Këngëtarja ia ktheu: "Të dua shumë dreq, se ke bërë alamet urimi dhe s'di si të ta kthej. (Do të të uroj pak më vonë, në mënyrën time". 

Big Basta dhe Vesa kanë një lidhje të bukur dhe të gjatë, si dhe janë prindër të një djali të quajtur Lian.

Menduam që t’ua tregonim urimin dhe ju ta ruani, se ku i dihet, mbase mund të frymëzoheni prej tij.