Një ditë e re, një teori e re në internet. Tanimë, njerëzit mendojnë se ylli i “Little Mermaid”, Halle Bailey është shtatzënë për herë të parë dhe thashethemet u rindezën që prej së martës, në ceremoninë e MTV VMA 2023.
“Halle qëndroi larg tapetit të kuq, që të mos fotografohej dhe kur ishte brenda, ajo kishte kujdes se kujt dhe si i jepte përqafimet”, tha një person anonim për Page Six.
Një tjetër ‘shenjë treguese’ mund të jetë fustani i saj i gjerë, që mbulonte barkun e rrumbullakosur, sipas njerëzve, si dhe mënyra se si pozonte për foto, duke mbuluar pikërisht barkun.
Balle prej 1 viti e gjysmë është e lidhur me reperin DDG dhe ata u takuan në një shfaqje në Las Vegas.
Zërat nisën nga një video e publikuar në llogarinë e DDG në Youtube, ku në sfond dukej Halle dhe komentuesve iu duk se ajo ishte shtatzënë.
