Mbrëmë, në llogarinë e Anabel në Instagram, hapëm një temë të ndjeshme: “Jam dhunuar nga (ish) partneri”. Shumë ndjekës ndanë historitë e tyre, të cilat i gjeni më poshtë:
 
“Jam dhunuar gjithë jetën deri tani vonë, që ka ndryshuar situata”.
 
“Prej dhunës së tij verbale dhe narcizmit, ajo lidhje mori shumë vite nga jeta ime. Kisha shumë frikë…”
 
“Isha e martuar për 12 vite me një njeri të dhunshëm, impulsiv, që më ofendonte. Prindërit nuk më mbështetën dhe përfundimisht u ndava. Unë dola e keqja në fund të historisë”.
 
“15 vite! Super posesiv, agresiv, ndërkohë që unë mbuloja shenjat se më vinte turp të tregoja se ç’po ndodhte. Dhuna fizike mbaroi kur shkuam në një shtet tjetër dhe unë mora forcën për të telefonuar policinë (atje policia të ndihmonte dhe s’gjykoheshe nga komuniteti)”.
 
“Bashkëjetojmë prej 1 viti dhe kemi 1 fëmijë. Para 1 muaji erdhi në shtëpi i dehur dhe më qëlloi. U bë sherr i madh, derisa erdhi policia. Ai tani është ende në burg, por flasim në telefon”.
 
“Në fillim të lidhjes më dhunoi 1 herë. Ishte viti 1996. Ai kishte pasur një lidhje me dikë tjetër, të cilën e dhunonte, pra ishte mësuar me këtë mendësi. Ju desh shumë kohë që të mund të afroheshim sërish. E bëri prapë në vitin 2006. Ishim të dehur. Për pak e vrava. Nuk ndodhi më kurrë”.
 
“Doja të ndahesha me të dhe nuk më linte të çohesha nga kafja. Më goditi me shuplakë në fytyrë. Ishte i pari dhe i vetmi moment. I gjuajta edhe unë ca herë dhe ika me vrap”.
 
“Dy javë më parë përfundova gjyqin e divorcit me një njeri të dhunshëm, i cili më izoloi nga shoqëria dhe nga karriera. Kam një vit e ndarë me të dhe kam rinisur punë në profesion. Kam arritur nivele shumë të larta dhe pse jam në një vend të huaj. Ndihem plotësisht e lumtur”.
 
“Kam qenë e lidhur me dikë që më shante dhe më godiste veëm se kisha hapur internetin pa lejen e tij. Ai më dërgonte mesazhe në ËhatApp, që të shikonte nëse më vinin mesazhet apo jo”.
 
“I dashuri im ka varësi ndaj hashashit. Një herë para 2 viteve kishte mungesë dhe unë u acarova. Ai më gjuajti me grusht në këmbë. Vetëm atëherë ka ndodhur dhe shpresoj të mos ndodhë më kurrë”.
 
“Po, jetoj përditë me një të tillë. Është ferr i vërtetë”.
 
“Kam 5 muaj që u shkëputa nga një martesë 6-vjeçare super abuzive. Ai më dhunonte dhe abuzonte me lëndët narkotike”.
 
“Pas 1 viti lidhjeje, nisi dhuna fizike. E justifikoja se gjatë 1 viti ishte komplet tjetër. Mendoja se po kalonte një periudhë të keqe. Durova një vit dhunë dhe u zhduka. Këmbëngulte për muaj me radhë duke qarë si fëmijë. Normal që s’e fala dhe s’e di as si e durova”.
 
“Kam qenë 16 vjeç. Ai ishte super posesiv dhe i dhunshëm. E ëma e tij ishte në dijeni dhe më ndihmonte të mbuloja shenjat, pa thënë asgjë. Ende sot, pas 15 vitesh, jam në terapi dhe është e vështirë të përshkruash ndjesitë”.
 
“5 vjet dhunë fizike dhe psikologjike. Kalova në depresion derisa vendosa me veten dhe nuk iu përgjigja më. Ndërrova punë e të gjitha. E kam takuar pas 8 vitesh dhe më pyeti nëse ka ende vend në jetën time për të. Bëri dhe presion me nja dy mesazhe, por e pa që s’i eci”.
 
“Njoh unë dikë që ka rrahur të dashurën aq sa i ka thyer brinjët dhe ata janë prapë bashkë”.
 
“Ish-i dashuri për pak sa nuk më theu gishtat e njërës dorë në lokal, ndërkohë që në dorën tjetër kisha telefonin e tij, duke lexuar mesazhe me shokun e vet, ku flisnin për konsumim lëndësh narkotike”.
 
“Ish-i më ka rrahur një herë. Më tërhiqte nga flokët dhe shikoja në dysheme tufat e flokëve të mi. Mamasë së tij i ranë të fikët teksa më shihte duke u dhunuar dhe nuk e ndaloi dot të birin. Kisha shenja për javë të tëra. Arsyeja e dhunës ishte një punë që nuk e bëra dhe ai e priste nga unë”.
 
“Më rrihte çdo ditë dhe në fund e justifikoja duke thënë se ndoshta e kam unë fajin dhe e meritoja, derisa mora guximin dhe u largova nga ai përgjithmonë”.
 
“Ish-i më ka goditur me shpullë 2 herë dhe më ka vënë dorën në fyt. E neglizhova, por u ndava ca muaj më vonë. Kur u ndava, më dukej sikur merrja ajër më të pastër”.
 
“Edhe një shpullë ashtu si “në moment nervash”, një kapje te mjekra, përfundon në një kapje flokësh dhe të gjitha bëhen në “emër të dashurisë”. Kështu ikën 15 vite, sot me 2 fëmijë, duke u munduar të gjej një të mesme, nga e cila unë humba 80% të asaj që isha dhe ëndërroja”.
 
“Ish-i dashuri më gjuajti sepse më zuri gjumi në drekë dhe s’e lajmërova”.
 
“Kam kaluar 3 vite me një dhunues dhe manipulues, që bënte sikur ishte faji im që ishte i dhunshëm psikologjikisht dhe me raste, edhe fizikisht”.
 
“Është gabimi më i madh i jetës sime. Njeri me personalitet të dyfishtë ishte ai, sepse më bërtiste nga hiçi, më impononte, më kërcënonte: “Nëse nuk del me mua, kush e di me kë je. Do të të gjej dhe do të të bëj copash”.
 
“Ish-i kaloi nga fjalët në hedhje filxhanesh në mes të lokalit, marrje zvarrë nëpër rrugë, goditje, derisa e zhduka nga jeta ime”.
 
“Unë kam qenë e martuar me një njeri që prej 2 vitesh më dhunonte sistematikisht. Isha veç 17 vjeç kur isha shtatzënë dhe më gjuante me shkelma në bark. I lutesha të më gjuante në kokë dhe fatkeqësisht e humba bebin pas 5 muajsh, si rezultat i dhunës. Vuajta shumë që ta ndaja sepse babi s’pranonte nga mentaliteti, por u ndava”.
 
“Tre vite e lidhur. Gjithçka nisi shumë bukur, derisa nisi të ngrinte dorë, pastaj të më kërcënonte. Më godiste me grushta”.
 
“Jam ende në një lidhje të tillë”.
 
“Kur u martuam, nisi të dilte nga vetja. U bë i dhunshëm, bullizues, i keq. Kam dy vite që jam ndarë dhe kam shpëtuar”.