Programet reality show – ku bën pjesë edhe “Big Brother” – mund të shihen në platformat televizive vetëm me kod, njësoj siç ndodh me programet për të rritur.

Vendimi është marrë nga Komisioni i Pavarur i Mediave (KPM), raporton organizata joqeveritare “Betimi për Drejtësi”.

Kryetari i Bordit të KPM-së, Jeton Mehmeti u shpreh se ndryshimi i rregullores u bë me qëllim që të mbrohen fëmijët nga përmbajtjet që ndikojnë negativisht në shëndetin e tyre mendor e moral.

Sipas KPM-së, të gjitha programet reality show duhet të jenë të koduara sepse mund të ndikojnë te gjuha dhe sjellja e fëmijëve.