Enxhi Nasufi ka triumfuar në spektaklin e kërcimit “Dancing with the stars”, duke fituar çmimin e parë, në një garë kokë me kokë me Sardi Strugajn.

 
Enxhi është bërë pjesë e këtij rrugëtimi sfidues që prej datës 6 tetor, duke u përmirësuar gradualisht deri sot, për të mbërritur dhe fituar në mbrëmjen finale.
 
Ajo ia doli të rrëmbejë votat e anëtarëve të jurisë, e përbërë nga Olta Gixhari, Valbona Selimllari, Lori Balla dhe Ilir Shaqiri, si dhe vëmendjen e publikut. Sipas anëtarëve të jurisë, që i dhanë edhe 40 pikë performancës së saj, Enxhi ka kërcyer si një balerinë profesioniste.

 
Nga ana tjetër, edhe Sardi ishte një konkurrent mjaft i diskutuar për të marrë çmimin e madh, falë faktit se ia doli të mësojë shpejt dhe të dhurojë performanca goxha të pëlqyera nga publiku.