Olta Gixhari është në pritje të bebushit nr. 2 dhe ka organizuar një festë "gender reveal”, në të cilën morën pjesë familjarë, të afërm dhe miqtë e aktores.

Ndër të ftuarit në festë ishte edhe Sara Hoxha, së bashku me vajzën, Poem Blu. Ajo ka publikuar një video në Instagram dhe përtokë shihen disa confetti blu që ndoshta tregojnë se Olta është në pritje të një djali.

Megjithatë, duhet theksuar se përmes videos nuk mund ta kuptojmë dhe të shprehemi se Olta do të sjellë në jetë sërish një djalë. 

Ajo ende s'e ka konfirmuar gjininë dhe ka publikuar një album me foto në Instagram, ku shkroi: “Mezi pres ta ndaj me ju! Unë e di më në fund!”.

Olta ka konfirmuar shtatzëninë në natën finale të “Dancing with the stars”. Ajo, e emocionuar u ngjit në skenë dhe u shpreh: “Jam në pritje të ëmbël. Është folur shumë për këtë, por ku ka më mirë sesa tani dhe sot ta thuash këtë dhe të kesh një kujtim të bukur".