Noah Cyrus s’u mendua dy herë dhe pëlqeu foton e Liam Hemsworth, i cili publikoi një moment nga stërvitja e tij dhe falenderoi njerëzit që kishin parë projektin e tij të fundit, “Land of Bad”. Këngëtarja 24-vjeçare pëlqeu foton e ish-bashkëshortit të së motrës, duke ndezur një lukuni komentesh në rrjete të ndryshme sociale.
“Ok, situata është e ngatërruar”; “Jetoj për këto drama”; “Ç’po ndodh me këtë familje? Dikush duhet të na ndriçojë”; “Seriozisht? Noah, a je mirë?”; “Miley, kontrollo motrën” ishin disa nga komentet dhe postimet në X dhe TikTok.
Reagimi i Noah vjen pas dramës së supozuar mes saj, të ëmës dhe bashkëshortit të saj aktual. Sipas thashethemeve, Tish Cyrus u martua me aktorin Dominic Purcell, me të cilin thuhet se dilte e bija, Noah.
Sipas një burimi për US Weekly, Noah dhe aktori i “Prison Break” dilnin bashkë për 8-9 muaj, derisa e ëma e Noah, Tish, nisi të shfaqte interes. Një burim i afërt me Miley-n e konfirmoi thashethemin, duke thënë se Miley nuk dinte asgjë dhe u përball me të ëmën: “Ajo mendon se është një situatë e çuditshme, por e do të ëmën dhe dëshiron që ajo të jetë e lumtur”.
Sipas një tjetër burimi anonim, çifti Tish dhe Dominic kanë nisur terapinë në çift për të punuar më shumë mbi komunikimin e tyre. Ata konfirmuan lidhjen për publikun në nëntor të vitit 2022. Më pas, u martuan në një prej pronave të Miley-t dhe në dasmë mungoi pikërisht Noah.
Artikuj të sugjeruar:
