Viti 2024 ende nuk ka mbaruar, por sërish, jemi në fund të korrikut dhe mund të bëjmë një listë me prindërit VIP që u bënë prindër gjatë këtyre muajve, si dhe ata që konfirmuan pritjen e ëmbël.

Prindërit VIP

Arbër Hajdari dhe bashkëshortja e tij, Vlera

Arbër Hajdari dhe partnerja e tij, Vlera, u bënë prindër të një vajze në janar të këtij viti. Lajmin e bëri me dije vetë Arbri, përmes një postimi në Instagram.
 
“Të dashur miq! Zoti na bekoi dje, duke më bëre mua baba dhe Vlerën, nënë të një vajze. Për këtë, falenderojmë Zotin dhe i kërkojmë që vajza jonë, të ketë jetë të gjatë, shëndet e risk në jetë. Uroj dhe lutem që çdo shqiptar të jetojë në harmoni, begati, i rrethuar nga dashuria e familjes”, shkroi ai.

Greta Koçi

Këngëtarja Greta Koçi u bë nënë në janar të këtij viti. Ajo ndau lajmin me ndjekësit përmes një postimi në Instagram: “Sot u bekova me një djalë. Asnjë sukses dhe arritje në jetën time nuk u krahasoka me këtë moment. Është dita më e bukur e jetës sime! Faleminderit Zotit dhe të gjithë ekipit mjekësor në Amsterdam”, shkroi ajo në foton ku shihet dora e saj dhe e bebit.

Buta

Reperi Buta (emri i vërtetë i së cilit është Betim Januzi) u bë baba në shkurt të këtij viti. Buta është bërë babai i një vajze, të quajtur Irina. Irina është emër me origjinë greke dhe do të thotë “paqe”.

Armando Sadiku

Futbollisti i kombëtares sonë, Armando Sadiku, u bë baba për herë të dytë në mars! Në jetë erdhi Leon, djali i tij i dytë dhe lajmin e bukur e ka bërë me dije partnerja e tij, Elona, përmes një postimi në Instagram. “Përshëndetje botë. Unë jam Leon, anëtari më i ri i familjes”, shkroi Elona në foton bardhë e zi ku djali i madh i çiftit, Luisi, përqafon vëllain e vogël.

Lumi B

Lumi B dhe bashkëshortja, Miranda, janë bërë prindër për herë të dytë në prill. Lajmin e bëri me dije vetë Miranda, përmes një postimi në Instastory, ku shprehu falenderimet ndaj stafit mjekësor. Bebushi lindi më 28 mars. Çifti nuk ka bërë ende publik emrin e vogëlushit.

Olta Boka

Këngëtarja Olta Boka u bë në prill të këtij viti nëna e Brel. Lajmin e bukur e ndau vetë artistja përmes një postimi në Instagram: “Ishte natë vere, kur nga qielli ra një yll dhe motra jote bërtiti me të madhe: “Zoti më tha që mami ka një vëlla te barku” dhe sot familjes tonë të vogël iu shtua një bekim që na i jep kuptime të tjera dimensioneve! Faleminderit që zgjodhe të jem mami yt o shpirt i shpirtit tim! Zemra ime sot rreh dyfish,” shkruan kështu këngëtarja në përshkrimin, me të cilin ka zgjedhur të ndajë një video dhe momente nga ardhja në jetë e djalit.

Luizi dhe Kiara

Më 30 prill, këngëtari dhe moderatorja sollën në jetë Luna Mari. Ata e ndanë lajmin e bukur në Instagram, duke emocionuar njerëzit.

Landi Hysi

Roland Hysi u bë baba për herë të dytë. Në jetë erdhi bebushi dhe lajmin e bëri me dije këngëtari përmes postimeve në Instagram.

Etrit Berisha

Etrit Berisha, portieri i kombëtares sonë, është bërë babai i një djali. Ai ka publikuar foton e bebushit në Instagram, duke i shprehur mirëseardhjen në botë. “Mirë se vjen biri im Edgar, lumturia e mamit dhe e babit. Qofsh përherë i bekuar”, shkroi ai në mbishkrim, shoqëruar me emoji-t e një familjeje dhe një zemër të kuqe.

Ermal Meta

Këngëtari Ermal Meta u bë baba për herë të parë në qershor. Lajmin e bukur e bëri me dije me një postim në Instagram, ku publikoi një foto të dorës së vogëlushes në mes të duarve të prindërve, bashkë me mesazhin emocionues: “Dora ime nuk ka qenë kurrë më e madhe, as zemra ime,” shkruan ai.

Olta Gixhari

Olta Gixhari është bërë nënë për herë të dytë. Ajo postoi në Instagram dy foto nga materniteti, ku shihet me djalin e saj të parë, Amarin dhe me të porsalindurin. Bebushi erdhi në jetë sot (më datë 13/06/2024) dhe më vonë, Olta zbuloi edhe emrin: Zeo

Ueda dhe Arlindi

Arlindi dhe Ueda, çifti që u njoh në sezonin e parë të “Love Island Albania” u bënë prindër për herë të parë në korrik. Arlindi, përmes një postimi në Instagram, u shpreh: “Amea, jemi te bekuar që jemi prindërit e tu. Zemrat tona janë të mbushura me dashuri,” shkruan në profilin e tij Arlindi, duke zbuluar një foto të së bijës, njëherësh edhe datën e saj të lindjes, pikërisht në 20 korrik.

Çiftet që konfirmuan shtatzëninë

Sara dhe Bardhi

Në prill të këtij viti, çifti që u njoh në “BBVA 3”, konfirmuan se janë në pritje të ëmbël në emisionin “Cherry on Top”. Më pas, ata dhanë edhe lajmin se presin një vajzë.

Evi Reçi dhe Kledi Hysa

Këngëtarja Evi Reçi dhe Kledi Hysa do të bëhen prindër për herë të parë. Evi është në pritje të ëmbël dhe lajmin e bukur e ka zbuluar ekskluzivisht në një intervistë për Living. Mes shumë detajesh, ajo ka ndarë momentin kur e mori vesh se ishte shtatzënë dhe se si po e përjeton një ndryshim kaq të madh në jetën e saj.

Mikela Pupa

Mikela Pupa është në pritje të ëmbël! Ajo është shtatzënë me një vajzë dhe gjininë e bebit e zbuloi në festën që bëri bashkë miqtë dhe të afërmit e saj. Për të shënjuar ditën speciale dhe hapin e rëndësishëm në jetën e çiftit, partneri i saj bëri një tatuazh, duke vendosur ‘check’ te kutia ku shkruhej “Është vajzë”, i cili kishte një gabim të vogël drejtshkrimor.

Liesa Haxhiasllani

Moderatorja Liesa Haxhiasllani ka publikuar një album në Instagram, ku shfaqet me barkun e rrumbullakosur dhe na tregoi se është në pritje të ëmbël. Liesa publikoi edhe një foto ku është kapur për dore me partnerin e saj. Ajo u shfaq e buzëqeshur dhe e veshur thjesht, me një palë pantallona të gjelbra dhe një këmishë lino.