FOTO: iSTOCK

Nuk ka dyshim që ka disa vende apo ambiente pune që janë shumë mbështetëse dhe të shëndetshme për punonjësit e tyre, sa ka edhe po kaq vende toksike që kthehen në kontrolluese dhe manipuluese për punonjësit e tyre. Por, si ta kuptoni që ky fenomen po ndodh edhe me ju?

Ja disa flamuj të kuq që janë treguesit më të mirë të manipulimit në një vend pune!

#1 Trajtim në heshtje

Mjeku holistik Scott Lyons thotë se injorimi i njerëzve, ose një “trajtim i heshtur” në vendin e punës mund të jetë një mënyrë manipuluese për të detyruar dikë të bëjë diçka që ai/ajo nuk do. Nëse ndodh kjo, thjesht flisni me shefin/en ose menaxherët tuaj.

#2 Mbajtja sekret e informacionit

Dikush mund ta bëjë këtë për t’ju bërë të dukeni të papërgatitur përpara shefave tuaj, ose që ju të performoni dobët në një takim apo mbledhje. Fatkeqësisht, nuk është gjithmonë e lehtë të kuptohet nëse dikush po mban informacione larg jush, por detyra juaj është që të përfundoni çdo projekt apo angazhim që t’i dilni përballë çdo situate.

#3 Ndjenja e fajit

Kjo është një taktikë manipulimi, e cila mund të përdoret në vendin e punës për t'i bërë njerëzit të heqin dorë nga kufijtë ose të fajësojnë të tjerët për çështje për të cilat nuk janë përgjegjës.

#4 Trajtimi jo i qëndrueshëm

Në mjedise të brishta ku është e lehtë të ndiheni të manipuluar, ju mund të ndiheni sikur po punoni i/e izoluar. Mundohuni të përfshiheni në projekte me kolegët, në takime të ndryshme për t’i parë gjërat më ndryshe.

#5 Premtime të rreme

Nëse vazhdimisht merrni premtime për ngritje në detyrë ose rishikim të pagës dhe sërish nuk e merrni atë, atëherë jeni ju që duhet të përballeni me këto premtime të rreme që e bëjnë edhe më të vështirë mbarëvajtjen e punës çdo ditë.

#6 Një atmosferë shumë emocionale

Kur ndjeni se po punoni në një ambient ku vazhdimisht punonjësit janë më emocionalë se të tjerët, kjo mund të jetë një sjellje manipuluese për të nxitur reagime të forta apo për t’ju vendosur në situata të ndryshme negative.

Artikuj të sugjeruar: 

Burimi: Parade