Arsyet e heqjes nga puna mund të jenë nga më seriozet e deri te ato më pa kuptim. Shumë nga ju mendojnë se janë shkarkuar për motive aspak logjike, por na besoni: Ka edhe më keq!
Nëse keni humbur punën dhe doni ngushëllim, jeni padiskutim në artikullin e duhur, pasi ne shpluhurosëm arkivat dhe gjetëm një histori tejet interesante.
Le të nisim: Fillimisht, “fikni” trurin dhe fokusohuni në këtë që po lexoni.
Në një zyrë diku në New York gjendej Debbie Stevens, një 47-vjeçare e divorcuar dhe nënë e dy fëmijëve, njëkohësisht dhe shumë empatike. Në një tjetër zyrë gjendej shefja e saj, Jackie Brucia, e cila ankohej se nuk po gjente asnjë donator për t’i dhuruar veshkën.
Teksa të dyja diskutonin lidhur me këtë situatë, Debbie theksoi se ajo do i jepte veshkën e saj. Padiskutim, shefja mendoi se po tallej, por shumë shpejt gjërat do të merrnin një tjetër rrjedhë.
Stevens pranon të dhurojë veshkën e saj
Në janar 2011, Debbie pretendoi se shefja e saj, Jackie, e thirri në zyrë për ta pyetur nëse e kishte seriozisht “atë punën e dhurimit të veshkës”.
Debbie thotë se ajo u përgjigj:
“Po, sigurisht. Kjo nuk është një çështje për të bërë shaka.”
Ajo madje shtoi se nuk e bëri në asnjë moment këtë gjest human për të siguruar vendin e punës apo për të fituar rritje rroge, por për vetëm një arsye: “Jam njeri i mirë.”
"Unë nuk doja që ajo të vdiste," tha Debbie.
Sidoqoftë, problemet e para u shfaqën sa herë që testet e bënin të qartë se Debbie nuk ishte donatorja më e mirë për Jackie-n. Mjekët ranë dakord që ajo t'i jepte veshkën e saj një të panjohuri në Missouri. Më pas, veshka e saj mund të “shkëmbehej” me donatorin ideal për shefen e saj.
Problemet me shefen pas operacionit
Debbie iu nënshtrua një operacioni më 10 gusht 2011 dhe gjërat shkuan më së miri. Ajo i dhuroi veshkën të panjohurit dhe donatori ideal shefes së saj.
Duket si fundi i lumtur i një historie, por ky nuk është fundi, është vetëm fillimi. Ndaj, lexoni me kujdes dhe habituni!
Jackie filloi të ushtronte presion mbi Debbie-n që të kthehej në punë menjëherë pas operacionit të saj. Debbie u kthye në punë katër javë më vonë dhe kjo gjë kishte mërzitur shefen, e cila mendonte se rikuperimi kishte marrë shumë kohë.
Debbie tha se ajo "nuk gjen fjalë për të përshkruar mënyrën si e trajtonte shefja."
Ajo pretendon se Jackie i bërtiste për gjëra absurde dhe nuk e lejonte të largohej nga tavolina, as për të ikur në tualet.
Debbie gjithashtu pati disa probleme mjekësore pas operacionit të dhurimit të veshkave. Ajo tha se mjekët goditën një nerv në këmbën e saj, duke i shkaktuar dhimbje barku, si dhe probleme të tretjes që kërkojnë vizita të shpeshta në banjë.
Jackie nuk u ofrua në asnjë moment ta ndihmonte në ndonjë formë, por thjesht e pushoi.
Padia
Pasi u konsultua me një psikiatër për shqetësimin që i kishte shkaktuar Jackie, Debbie punësoi avokatë të cilët i dërguan një letër kompanisë ku ajo punonte, Atlantic Automotive Group, në mars 2012. Debbie do të humbiste punën e saj brenda një jave.
Shpresa e avokatit të Debbie, Lenard Leeds, ishte se me ngritjen e një padie për diskriminim, ata do të fitonin miliona dollarë kompensim për stresin që Jackie i ka shkaktuar Debbie-t dhe gjithashtu për pagën e humbur.
Pas shumë seancash gjyqësore, palët gjetën gjuhën e përbashkët dhe Debbie mori paratë që meritonte.
Ju thamë që ka edhe më keq!
