Baluket janë në krye të tendencave edhe këtë sezon. Megjithatë, përpara se të caktoni një takim në sallon, duhet të vendosni se për çfarë lloj modeli do të shkoni, në varësi të stilit tuaj, llojit të flokëve dhe, natyrisht, kohës që dëshironi të kaloni duke i stiluar.

Baluket në flokë kaçurrela

Deri para disa vitesh, baluket ishin sinonim i flokëve natyralisht të drejtë. Tashmë po shohim gjithnjë e më shumë vajza me flokë kaçurrela apo me onde që i zgjedhin ato, duke i dhënë pikë ekstra pamjes së tyre. Sekreti për t'i bërë këto balluke të duken aq të bukura është t'i prisni ato në flokë të thatë, sipas ondeve dhe kaçurrelave tuaja.

Baluket mikro

Sigurisht që nuk do t'ua rekomandonim atyre që i provojnë baluket për herë të parë, pasi janë një nga versionet më unike të tij. Megjithatë, nëse doni të bini në sy me stilin tuaj, keni disponimin dhe kohën për t'i shkurtuar shpesh dhe dëshironi të nxirrni në pah vetullat dhe sytë në çdo vështrim, guxoni ta bëni për një pamje interesante.

Baluket “perde”

Baluket “perde” vazhdojnë të jenë versioni më popullor i viteve të fundit për shumë arsye: ato u shkojnë të gjitha formave të fytyrës, nuk kërkojnë shumë kohë për t’u stoliar, janë të lehta për t'u fshehur dhe rriten shpejt dhe në mënyrë simetrike, pa pasur nevojë për prerje. Për më tepër, gjatësia e tyre i bën ato ideale për ata prej jush që nuk kanë kohë të kujdesen vazhdimisht.

Disa gjëra që duhet t’i dini para se të prisni baluke

Ndoshta informacioni më i rëndësishëm që duhet të dini përpara se të prisni baluket është se ato yndyrosen më shpejt se pjesa tjetër e flokëve tuaj për shkak të kontaktit të tyre me ballin. Truku për të zgjidhur këtë problem është të lani vetëm balluket ose të përdorni një shampo të thatë.

Si t’i stiloni

Filloni t'i thani me tharëse flokësh duke i drejtuar baluket me një furçë, një në të djathtë, një në të majtë. Këto lëvizje do të ndihmojnë që flokët tuaj të mos përqëndrohen në njërën anë, por gjithashtu do të bëjnë që ndarja në mes të zhduket. Më pas, mund të vazhdoni stilimin me një furçë të rrumbullakët për të shtuar volum, formë ose stiluar sipas dëshirës.

Burimi: Marie Claire

Artikuj të sugjeruar: