Shitjet e Nike janë pakësuar, aksionet kanë humbur më shumë se një të katërtën e vlerës gjatë vitit të kaluar dhe CEO i ri i Nike ka nevojë për ndihmë. Këtu hyn në lojë Kim Kardashian.

Nike po bashkëpunon me Kim-in për një markë të re, NikeSkims. Koleksioni "do të ndryshojë industrinë globale të fitnesit dhe veshjeve duke sjellë inovacionin më të mirë në shërbim të të gjitha atleteve gra", sipas njoftimit për shtyp.

Ky koleksion do të jetë i pari për Nike, një kompani që nuk ka bashkëpunuar më parë me një kompani të jashtme për të krijuar një markë të re. Nike tha se Skims "propozoi një linjë të përbashkët", por sugjeroi "diçka edhe më të madhe", pra krijimin e NikeSkims.

Skims, marka e të brendshmeve dhe veshjeve e themeluar nga Kim Kardashian, shpreson të joshë një klient të ri: meshkujt.

Nike dhe Kim shpresojnë që të vendosin një standard të ri në industrinë e fitnesit dhe veshjeve me një linjë të gjerë veshjesh, këpucësh dhe aksesorësh. Jemi të gjithë kuriozë!