Shqipja ka plot fjalë që i kemi dëgjuar gjithë jetën në një formë, por kur hapim fjalorin, zbulojmë se kemi bërë një gabim klasik. Ja disa nga fjalët më të zakonshme që shumë njerëz i shkruajnë gabim dhe format e tyre të sakta:

1. Kanatiere  → Kanotiere 

Po, bluza e hollë pa mëngë quhet kanotiere, jo “kanatiere”. 

2. Kamarier → Kamerier 

Për të gjithë ne që kemi thirrur “o kamarier!”, e kemi pasur gabim. Forma e saktë është kamerier.

3. Faturino → Fatorino 

Nuk është “faturino”, por fatorino. Nëse dikush na ka prerë një “faturë”, s’ka lidhje me këtë fjalë!

4. Gjigand → Gjigant 

Ai që është shumë i madh nuk është “gjigand”, por gjigant. Më mirë ta korrigjojmë tani sesa të dukemi *gjigandisht* gabim.

5. Dakort → Dakord

Nëse ke qenë “dakort” me këtë shkrim deri tani, më vjen keq, por forma e saktë është dakord.

6. Peisazh → Peizazh 

Pikturat e natyrës nuk janë “peisazhe”, por peizazhe. Po, duket e çuditshme, por kështu e thotë fjalori.

7. Zgarë  → Skarë 

Mishin nuk e pjekim në “zgarë”, por në skarë. Tani nuk kemi më justifikime!

8. Agjensi  → Agjenci 

Një kompani nuk është “agjensi”, por agjenci. Një ndryshim i vogël, por i rëndësishëm.

9. Çertifikatë → Certifikatë 

Përfundimisht, fjala shkruhet certifikatë, pa “ç”. Një arsye më shumë për të kontrolluar mirë dokumentet para se t’i dorëzojmë diku!

Sa nga këto i keni përdorur gabim? Mos u shqetësoni, tani e dini të vërtetën!