Zgjedhjet gjermane: Votuesit përgatiten të hedhin votën e tyre
Gjermanët janë gati të shkojnë në kutitë e votimit të dielën pas një fushate me fokus në qendër të ekonomisë dhe emigracionit. Disa qytetarë shprehen se janë në ankth për të ardhmen e vendit të tyre teksa shkojnë drejt qendrave të votimit.
Fushata e papritur e shkurtër zgjedhore e Gjermanisë, e cila filloi pasi kancelari Olaf Scholz thirri zgjedhje të parakohshme dhjetorin e kaluar, është shënuar nga një perspektivë e dobët ekonomike dhe disa sulme të kryera nga emigrantët, duke vënë në qendër të vëmendjes emigracionin dhe ekonominë.
Sondazhet e fundit parashikojnë se partia më e madhe opozitare në vend, Unioni Kristian Demokrat (CDU) i qendrës së djathtë do të vijë në vendin e parë me 29% të votave, e ndjekur nga Alternativa për Gjermaninë (AfD) e ekstremit të djathtë me 20%.
SPD e qendrës së majtë të Olaf Scholz parashikohet të marrë 16% e ndjekur nga të Gjelbrit me 13%.
Hungaria del si pengesë kryesore ndaj BE-së për Trump
Hungaria është shfaqur si pengesa kryesore për Bashkimin Evropian, teksa shtetet anëtare përpiqen të mbyllin radhët dhe të forcojnë pozicionin e tyre të unifikuar si reagim ndaj shtytjes përçarëse të Donald Trump për negociatat midis Ukrainës dhe Rusisë.
Nisma e Trump, e nisur pa koordinim me aleatët perëndimorë, ka përmbysur marrëdhëniet transatlantike dhe ka ngjallur frikën se Ukraina do të detyrohej në një marrëveshje shumë të pafavorshme që do të dobësonte rëndë sigurinë afatgjatë të Evropës.
Me ngjarjet që ecin me një ritëm marramendës, vendet e BE-së po përpiqen të arrijnë dhe të dalin me propozime të reja që mund të shprehin mbështetjen e tyre financiare dhe ushtarake për kombin e shkatërruar nga lufta, ndërsa mbajnë presion të lartë mbi Kremlinin.
Por Hungaria mund të jetë një pengesë të pakapërcyeshme përpara “vijës së finishit”.
Aktiviteti konservator në SHBA, folësi përshëndet Hitlerin
Presidenti i partisë së ekstremit të djathtë në Francë ka anuluar paraqitjen e tij në një konferencë të krahut të djathtë në Uashington pasi një nga folësit më të njohur i dha turmës një përshëndetje naziste.
Udhëheqësi i Rally Kombëtare (RN) Jordan Bardella do të fliste në Konferencën vjetore të Veprimit Politik Konservator (CPAC) të premten.
Megjithatë, ai njoftoi se do të tërhiqej pasi ish-këshilltari i Trump, ideologu i së djathtës ekstreme, Steve Bannon e përfundoi fjalimin e tij me fjalët "luftoni, luftoni, luftoni" dhe zgjati krahun e djathtë lart në atë që dukej të ishte një përshëndetje Hitleri.
Protesta në Sllovaki, kërkohet dorëheqja e kryeministrit
Mijëra persona u mblodhën në Bratisllavë dhe qytete të tjera të Sllovakisë dhe bënë thirrje që kryeministri Robert Fico, të japë dorëheqje. Protestuesit u zotuan se do të vazhdojnë demonstratat kundër politikës së jashtme të kryeministrit, që kritikët thonë se po e afron shtetin me Rusinë.
Protesta në Sllovaki janë mbajtur çdo dy javë që nga fillimi i janarit, pasi në dhjetor Fico u takua me presidentin rus, Vladimir Putin, në Moskë. Vizita e Ficos në Moskë ishte një vizitë e rrallë e zhvilluar nga një anëtar i Bashkimit Evropian, qëkur Moska nisi pushtimin e Ukrainës tre vjet më parë.
